မျက်မမြင်စိန်ခေါ်သံများကို

တစ်နေ့မှာ ငါဟာ ရောဂါတစ်ခုကိုရခဲ့တယ်။

အမှန်တော့ အဲဒါဟာ တခြားတစ်ခုခုလည်း ဖြစ်နိုင်တယ်

ဒါပေမယ့် ငါကတော့ ရောဂါလို့ပဲထင်တယ်

ရောဂါဆိုတော့ ပျောက်ဖို့ လိုတာပေါ့

ဒါပေမယ့် အဲဒီရောဂါဟာ တခြားရောဂါတွေနဲ့ မတူပဲသူ့ကို ဂရုမစိုက်မှ ပျောက်တယ်တဲ့

ဆေးလုံး ဆေးပြားတွေ၊ ခွဲစိတ်မှုတွေ ဂရုစိုက်မှုတွေ မလိုဘူး

ဒီအတိုင်းထားရင်ကို ပျောက်ပြီ

ဒါပေမယ့် ခက်တာက လူတွေဟာ ငါ ရောဂါရှိမှန်းသိတော့မှပဲငါ့ကို ဂရုစိုက်လာကြတော့တယ်

(H1N1 မဟုတ်တာ သေချာလို့တော့ ထင်ရဲ့)

ဒီလိုနဲ့ပဲ ငါ့ရောဂါဟာ တနေ့ထက် တနေ့ပိုဆိုးလာတယ်။

အကြောင်းသိတဲ့ ဆရာဝန်တွေကတော့ ငါ့နာမည် ကြားရင် ဝေးဝေးကရှောင်နေကြပြီ။

ငါ့အကြောင်းဆို စကားစပ်လို့တောင် မပြောဖြစ်တော့ဘူး။

ဂရုစိုက်မိနေမှာစိုးလို့..ဒါပေမယ့် နားမလည်လို့၊ သနားပြီး ဂရုစိုက်မိသူတွေဟာ ရှိတုန်းပဲ..

ကိုယ့်ကိုယ်ကိုတောင် ဂရုမစိုက်မိအောင်ကြိုးစားနေကာမှ၊ သူတို့တွေကြောင့် ခက်နေရတယ်..

ဒီလိုနဲ့ပဲ ငါ့ရောဂါဟာ တနေ့ထက် တနေ့ပိုဆိုးလာတယ်။

ညဖက်တွေမှာ တစ်ယောက်ထဲ ကမ္ဘာမကြေသီချင်းကို ထဆိုလို့..

တခါတခါ တယ်လီဖုန်းထဲက အသံတွေကို အမှန်ထင်ပြီး ယုံမိလို့..

တခါတလေကျ အိန္ဒိယရဲ့ စာလုံးပေါင်းကို ငါမေ့သွားပြန်တယ်.

.....

ဒါပေမယ့် လူတွေဟာ တစ်နေ့ထက်တစ်နေ့ ငါ့အကြောင်းကို လျစ်လျူရှုလာနိုင်ကြပြီ

အရင်က ပြောမဆုံးပေါင် တောသုံးတောင် ရောဂါအကြောင်းကိုလည်း မပြောဖြစ်တော့ဘူး

အက်ကြောင်းတွေ ထပ်လာပြီ၊ ဘူတာတွေ ဆိုက်ပါများသွားပြီ။

အဲဒါကြောင့်မို့

အခုဆိုရင် ငါ့ရဲ့ ရောဂါဟာတော်တော်လေးသက်သာနေပြီ

ငါတစ်ယောက်ထဲ ဟိုးအဝေးမှာလည်း သွားနေဖြစ်တယ် သိလား..

ဒါမယ့် အဲဒီအကြောင်းကို စပ်စုကြမှာစိုးလို့ ရောဂါပျောက်ပြီး နိုင်ငံခြားမှာသွားနေတယ်ဆိုပြီး ပုံမှန်သတင်းတစ်ပုဒ်လွှင့်ဖို့ ငါ့အိမ်ကိုပြောခဲ့တယ်

အမှန်တော့ လူတွေဟာ တစ်ယောက်ထဲရှိနေခြင်းကို ဘာကြောင့်မို့ မရောင့်ရဲကြတာလဲ..

နှစ်ယောက်ရှိမှဖြစ်မယ်၊ သဘာဝကျမယ်ဆိုတာ.. သတ္တိနည်းသူတွေရဲ့ အလုပ်လား..

ကို့ယို့ကားယားကတိတွေကို ငါမုန်းပါတယ်..

နောက်ဆုံးတော့ ငါဟာ ငါ့ကိုယ်ငါတောင် ဂရုမစိုက်ဖြစ်တော့ဘူး..

အဲဒီလောင်တောင် ရောဂါရဲ့အလိုကို လိုက်မိသတဲ့..

ဒီလိုနဲ့ တစ်နေ့ ငါ့ရောဂါ ပျောက်သွားတယ်ပေါ့..

အသက်ရှူသံတွေတောင် ငါ့ဆီ အဝင်အထွက်မလုပ်တော့တဲ့အခါ။

ခန့်နေ