နှင်းဖြူလေးသို့ ရိုးသားစွာဖြင့်

အရည်တလှည့်၊ အငွေ့တလှည့် ဖြစ်စဉ်အသီးသီးအား

အထပ်ထပ်ကျော်ဖြတ်ပြီးသည့်အခါသမယတွင်

မတိုင်မီနေ့ ည

ပင်လယ်ပြင်ရှေ့

နှစ်ဖက်ကမ်းဆီသော မှန်ဘောင်ကလေးများထံမှ

တီးတိုး ဝင်ရောက်လာသော

မျက်ဝန်းလေးများ၏ စွက်ဖက်နှောက်ယှက်ခြင်းအား

ကျွန်တော်သည်.. ဘီလူးစီးခံနေရသကဲ့သို့၊

ရှောင်တိမ်းခြင်း၊ အော်မြည်ခြင်း မပြုနိုင်ဘဲလျက်..

ကျရှုံးလျက်၊ ပြန်ထလျက်၊

ကျားတစ်ကောင်လို ခုန်အုပ်မည်ကဲ့သို့ ဖြစ်လျက်၊

နေစဉ်အတွင်းမှာပဲ

သိုးငယ်လေးလို ကျွန်တော့် စိတ်တွေ သိမ်ငယ်သွားလျက်၊

ရရာလက်နက် ဆွဲကိုင်လျက်၊

ဒဏ်ရာတွေ ထပ်ရလျက်၊ နာကျင်ချိန်တွေ တိုးလျက်၊

အချစ်အကြောင်းအား နှုတ်ဖျားမှ မပြောတတ်လျက်၊

လက်ထဲတွင်တော့

ခင်းကျင်းပြသမည့် အရုဏ်ဦးလေးကို

တစိုက်မတ်မတ် ဆုပ်ကိုင်လျက်...

ကျွန်တော်သည်

နှင်းဖြူလေးတစ်ပွင့်ကို ပြန်လန့်နေလျက်ရှိသော

နေရောင်တစ်ပေါက်ဖြစ်လျက်။

ခန့်နေ