ဒီခေါင်းစဉ်ရဲ့ နာမည်ခွဲဟာ 'စကားပြောသော ကျွန်တော်' လည်း ဖြစ်တယ်။

စိတ်လွှင့်မှုတစ်ခု

လိမ့်ကာလိမ့်ကာနဲ့ စိတ်ဓါတ်လေးတစ်ခု ပြုတ်ကျလာတယ်။ တကယ်ပါ ဒီရက်တွေမှာ အဆင်မပြေပါဘူး။ ခင်များအနေနဲ့ ပေါင်မုန့်ကို တစ်ကိုက် အသားကိုတစ်ကိုက် ကိုက်ရတာ ကြိုက်ချင်ကြိုက်မယ်။ ကျွန်တော်အနေနဲ့တော့ ပေါင်မုန့်ကိုချည်း ကိုက်နေရတယ်။ မစားလို့လည်း မရဘူးလေ၊ အသားက မကျက်တကျက်ဖြစ်နေတာကိုး။ ကြာတော့လည်း အီလည်လည်ကြီးပေါ့ဗျာ၊ ဒါကြောင့် အသားလေး လျှာပေါ်တင်နိုင်မယ့် အချိန်ကို မျှော်နေရတာ.. ပေါင်မုန့်ကြမ်းကြီး ဝါးရင်းပေါ့။ အဆင်ပြေရင် ခင်များအနေနဲ့ လောကဓံကို ကျေးဇူးတင်လို့ရပါတယ်။

ဖတ်ရင်းနဲ့ ဗိုက်ဆာလာပြီလားဗျ။ အကြော်ပန်းကန်ထဲမှာ ခင်များအတွက် မော်ဒန်တစ်ခြမ်းပဲ့ ချန်ထားတယ်၊ အလွမ်းနံ့တော့ နည်းနည်း ညော်ချင်ညော်မယ်ဗျ။ ကျွန်တော်က တစ်ခုခုချက်တိုင်း အဲဒါ အမြဲတမ်းသုံးတာကိုး။ သူက ငရုတ်သီးလိုပဲ။ ထောင်းတဲ့အခါလည်း သတိထားရတယ်၊ မတော်.. မျက်လုံးထဲ ဝင်သွားရင် မျက်ရည်တွေ လည်လာရော… ။ နောက်ပြီး ရေရှည်မှီဝဲတဲ့အခါ ခင်များရဲ့ ကျန်းမာရေးလည်း ထိခိုက်နိုင်တယ်။ ကျွန်တော်တော့ လောလောဆယ် တာဝန်တချို့ ထမ်းဆောင်ရင်း အလွမ်းရှောင်နေသဗျ။

အပေါ်က စကားလုံးတွေကို ဖတ်တတ်မယ်ဆိုရင် ကျွန်တော်တို့ ကိုယ့်ကိုယ်ကို ဂုဏ်ယူသင့်တယ်။ ဟစ်တလာဆို သေပြီးတဲ့အထိ၊ ‘က’ ကိုတောင် မမြင်ဘူးခဲ့ဘူးလေ။ အဲဒီကိစ္စ.. ကျွန်တော် ဝမ်းနည်းသင့်လား၊ ဝမ်းသာသင့်လားတောင် မခွဲတတ်ဘူးဗျ။ ဖြစ်နိုင်ရင် ခေါင်းထဲက သုညတွေကို နိုင်သလောက် ဆွဲခေါ်သွားကြပါအုံး။ သူငယ်ချင်းတစ်ယောက်က ပြောတော့ သူက ကဗျာတွေ ရေးဖို့ ရည်းစားထားတာတဲ့။ မသိတော့ပါဘူးဗျာ… ရည်းစားတွေရေးဖို့ ကဗျာတွေထားတာလား။ ကဗျာတွေက သူ့ကို ရေးတာလား။ ကဗျာတွေကို ရည်းစားတွေ ထားတာလား။ အဖြေမထုတ်တတ်လို့ စိတ်တွေ ပူကောင်း ပူမယ်။ ဒါဆို ခင်များက နှစ်သိမ့်တဲ့ အနေနဲ့ အိုဇုန်းလွှာကြောင့်ပါလို့ ပြောလိုက်မလားဗျာ။ ဒါထက် ပိုပြီး အိမ်မှာရှိတဲ့အခါ ကာဗွန်ဒိုင်အောက်ဆိုဒ်တွေကို စနစ်တကျ စွန့်ပစ်ပေးရင်တော့ အတိုင်းထက်အလွန်ပေါ့။

ဖြစ်ချင်တာတွေရှိပေမယ့် ဖြစ်သင့်တာတွေထက်ပိုမဖြစ်တဲ့အခါ ကျွန်တော်တို့အနေနဲ့ ဖြစ်နိုင်တာတွေပဲ လုပ်ကြည့်တာ ဖြစ်ကောင်းဖြစ်နိုင်မယ်။ ဒါပေမယ့် ဒါတွေအားလုံးဟာ လူတွေရဲ့ ကန့်သတ်ချက်နဲ့ သီအိုရီတွေ ဖြစ်တယ်။ မွေးကတည်းက ကျွန်တော်တို့ ခင်များတို့ရဲ့ လွတ်လပ်စွာတွေးခေါ်ပိုင်ခွင့်ကို အဲဒီလူတွေဟာ သူတို့ရဲ့ ပုံသေနည်းတွေ အဘိဓါန်တွေ၊ ယဉ်ကျေးမှုတွေ၊ ဘာသာတရားတွေနဲ့ ဘောင်ခတ်လိုက်ကြတယ်။ အဲဒီတော့ ကျွန်တော်တို့လည်း သူတို့လိုပဲ လူ့ဘောင်အဖွဲ့အစည်းထဲက လူတွေဆိုပြီး ဖြစ်လာတယ်။ အဲဒါကြောင့် “ဖြစ်ချင်တယ်” ဆိုတဲ့နေရာမှာလည်း ကျွန်တော်တို့ တွေးတတ်သလောက်ပဲ ဖြစ်ခွင့်ရှိတော့တယ်။ ဥပမာအားဖြင့် ခွေးတစ်ကောင်၊ ဆရာဝန်တစ်ဦး၊ ပန်းချီဆရာ၊ ဘုရင်တစ်ပါး၊ ဒါမှမဟုတ်လည်း ခွေးတစ်ယောက်၊ ပန်းချီသမ၊ ဆရာဝန်တစ်ခု၊ ဘုရင်တစ်ကောင်။ ဒါပေမယ့် အဲဒါတွေအားလုံးဟာ အခြေခံအားဖြင့်တော့ ရုပ်မဟုတ်ရင် နာမ်၊ ဒါမှမဟုတ် နှစ်ခုစလုံးပဲ ဖြစ်နေတယ်။ ဒါထက်ပိုပြီး ကျွန်တော်တို့ လူတွေ မတွေးနိုင်ဘူး။ သင်္ချာပညာအရဆိုရင် X-Y ပြင်ညီတစ်ခုလို ဖြစ်မယ်။ ဒါဆိုရင် အရာဝထ္ထုတွေ တိုင်းတာတဲ့အခါ Dimension က ရုပ်ရယ်၊ နာမ်ရယ် နှစ်ခုပဲ ရှိတယ်လို့ ဆိုလိုချင်နေတာလည်း ဖြစ်ကောင်းဖြစ်မယ်။ (ကျွန်တော်လောလောဆယ် ကြိုးစားရေးနေတဲ့ အသည်း back-up လုပ်နည်း programတစ်ခုအတွက် ဒီဆိုလိုချက်က အသုံးဝင်ကောင်းဝင်မယ်။ မေးစရာတောင်မလိုပါဘူး၊ ကျွန်တော်တို့အားလုံး အသည်းကွဲခြင်းကို ကြောက်တယ်ဆိုတာ။ ဒါကြောင့် ကျွန်တော်အနေနဲ့ အသည်းမှာ software တစ်ခု တပ်ထားရင် ကောင်းမှာပဲလို့ တွေးမိတယ်။ အကြောင်းကတော့ ကျွန်တော်ရှေ့ ရေအိုင်ထဲမှာ လရိပ်တွေ ထူထပ်များပြားနေလို့၊ (ဒါမှမဟုတ်လည်း အသည်းကွဲတိုင်း သောက်တဲ့ ကော်ဖီနဲ့ မြည်းစရာ စာအုပ်တွေ ဈေးတက်သွားလို့။) အဲဒီ softwareရဲ့ အလုပ်လုပ်ပုံက အသည်းထဲ ဝင်လာသမျှ ပစ္စည်းတွေ (အချစ်၊ အမုန်း၊ အချို၊ အခါး)မှာ အသည်းခွဲစေနိုင်တဲ့ ဗိုင်းရပ်စ် ပါမပါ စစ်ပေးမယ်လေ။ မသင်္ကာစရာရှိရင် ခင်များကို သတိပေးမှာပေါ့။ အဲဒီအခါ ခင်များအနေနဲ့ အဲဒီပစ္စည်းကို ဝင်ခွင့်(ဗီဇာ)ပိတ်လိုက်လို့ ရမယ်။ ဒါပေမယ့် အသုံးပြုတဲ့အခါ ပုံမှန် သက်တမ်းတိုး (update) လုပ်ပေးဖို့တော့ လိုလိမ့်မယ်.. အကြောင်းက နောက်ဆုံးပေါ် အသည်းခွဲ ဗိုင်းရပ်စ်တွေ နေ့စဉ်နဲ့ အမျှ ပြန့်နှံ့နေလို့ပဲ။)

ကျွန်တော်ဟာ တခါတရံ အချိန်ပိုင်း ကဗျာရေးသူ အလုပ်လည်း လုပ်သေးတယ်ဗျ။ ဒါကြောင့် အဆင်မပြေမှုတွေထဲမှာ ကဗျာရေးတဲ့ အကြောင်းလည်း ပါတယ်။ ကဗျာဆရာတော့ မဟုတ်သေးဘူး။ ဒါဆို ကဗျာရေးသူတစ်ယောက်ရဲ့ ဒုက္ခပေါ့။ (ကျွန်တော့်အတွက်) အဲဒါတွေကတော့ စာရေးစားပွဲမှာ ကဗျာမထွက်ခြင်း၊ ရေးချစရာ မရှိသော အချိန်မှ အိုင်ဒီယာရခြင်း၊ တစ်ခါတစ်ခါဆိုဗျာ အချိန်ကိုက် စာမေးပွဲခန်းထဲမှာ ကဗျာတွေ အတောင့်လိုက်လည်း ထွက်ထွက်ကျ တတ်တယ်၊ ခင်များဆိုရင် ကဗျာတွေ ဆက်တွေးမလား၊ ဒါမှမဟုတ် အဖြေတွေပဲ ရေးချနေမှာလား။ ခက်တာက ကျွန်တော် မှတ်ဥာဏ်လည်း မကောင်းဘူးဗျ။

ရွက်တစ်စင်း လွှင့်တဲ့အခါ ပန်းတိုင်မရောက်ခင် မုန်တိုင်းတွေ၊ ဒီရေတွေ၊ ကျောက်ဆောင်တွေ၊ အတားအဆီးတွေ ရှိတယ်။ စိတ်တစ်ခု လွင့်တဲ့အခါ ရည်မှန်းချက်မရောက်ခင် အဆင်မပြေမှုတွေ၊ အနာတွေ၊ အနှောင့်အယှက်တွေ၊ ပယောဂတွေ၊ ချုပ်နှောင်မှုတွေ ရှိတယ်။ ဒါတွေအားလုံးအတွက် ချုပ်ငြိမ်းဖို့ ထွက်ပေါက်တစ်ခုရဲ့အမည်ကို သေခြင်းလို့ ခေါ်တယ်။ ဖြစ်ပျက်နေတာ အားလုံးဟာလည်း ဝင်သက်ကလေး အထွက်နဲ့ ထွက်သက်ကလေး အဝင်ပါပဲ။

ကျွန်တော်သေတဲ့အခါကျရင် အနာတွေကို မြေမြှုပ်၊ ကဗျာတွေကို အရည်ပြုတ်ရင်း သရဏဂုံနဲ့ အဖြေထုတ်လိုက်ပေါ့။

တစ်ခုခုပေးဖို့ ကြံစည်ကြည့်ခြင်း

- ခြင်္သေ့ကျွန်းမြေမှာ မြေမြှပ်ထားတဲ့ တွန့်ကြေနေသော နာကြည်းချက်တချို့ ရှိတယ်။ စာရွက်အကြမ်းတွေပေါ်ကနေ အငွေ့ပျံတက်သွားတဲ့ ကမ္ဘာမကြေကဗျာတွေဟာ တိမ်တွေတက်စီးရင်း ထွက်ပေါက်တွေလိုက်ရှာ၊ နောက်ဆုံး မြေပြင်ပေါ်ပြန်နင်း၊ မခံချင်စိတ်တွေနဲ့ သွေးသောက်ဖွဲ့၊ အောင်မြင်မှုဆိုတာကို အတူတူဖန်ဆင်းကြတယ်။ သိမ်ငယ်စိတ်ကောင်လေးဟာ အချိန်တန် အရွယ်ရောက်တဲ့အခါ မမှတ်မိလောက်အောင် ပြောင်းလဲသွားတယ်။ ကမ္ဘာလည်ဖို့ program တစ်ခုကို သူ တည်ဆောက်နိုင်ပြီ။

- လက်ဆွဲနှုတ်ဆက်ပေမယ့် နားလည်မှုတွေ မွဲနေကြတုန်း။ ငြိမ်းချမ်းမှုနဲ့ လက်ယာဖက်ကျွန်းတစ်ခု ဘ၀ခြားနေသည်။ ရာဇ၀င်တွေကို ဖုန်ခါပေမယ့် အသစ်မှဖြစ်မလာတာ။ ဒီလိုနဲ့ပဲ အနက်ရောင် သုတ်လိမ်းလိုက်ပြီး ပုံပြင်တွေအဖြစ်နဲ့ မေ့ဆေးပေးလိုက်ကြတယ်။
ကိစ္စမရှိပါဘူး။ သူ့တို့သွေးတွေ စီးဆင်းနေတဲ့ သူတို့ရဲ့ နောင်လာမျိုးဆက်တွေက အပင်ပန်းဆိုတာကို ကျောပေါ်ထမ်း၊ ချွေးစိုနေတဲ့ အရေပြားတွေကို ရေလဲလို ၀တ်ပြီး.. အနှိပ်အစက်ဆိုတာကို ခါးမှာစည်းခံ။ ရက်တွေကြာကမ္ဘာတွေဆုံးသွားမယ်… ယုံကြည်ချက်တွေမှာ အသက်တွေပါနေတုန်းပါပဲ။

- အဝေးကို တွေးရင်း၊ တဖြည်းတဖြည်း အတွေးတွေနဲ့ ဝေးလာတယ်။ အတွေးတွေကို ငါ တွေးတယ်။ အတွေးတွေက ငါ့ကို ဆက်တွေးတယ်။ သူတို့ရဲ့ခါးအထက်မှာ ဦးနှောက်တွေကို ဆလွယ်သိုင်းထားတယ်။ ထည့်မိထည့်ရာ ထည့်ကြလော့…. ဟစ်တလာ၊ ခေါင်းစည်းကြိုး၊ မေမြို့ည၊ တတိယကမ္ဘာ၊ ဆိတ်ဗိုလ်၊ linear motion, နာရီ၊ ဘလော့ဂါ (blogger)၊ အာဒံ၊ အဖေတူ အမေကွဲ အိပ်မက်များ၊ အာကာသ၊ NO။ ဒီလိုနဲ့ပဲ တစ်ခါတုန်းက လူနာတစ်ယောက်ဟာလည်း ဆရာဝန်ကြီးတစ်ဦးဖြစ်လာတယ်။

- ဖြစ်နေသည်များကို ဘူးတတ်ခြင်း (သို့) ဘူးဖြင့်ဖော်ပြခြင်း

- မထိဖူးတဲ့ သူမရဲ့လက်ကလေးလို မနွေးထွေးဘူး။ မိုးကြိုးတွေလို၊ ရသ မပေးဘူး။ ဇွန်းတစ်ချောင်းလို ကော်ဖီ မဖျော်ဘူး။ ဘာလီတစ်စေ့လို အာဟာရမပေးဘူး။ အပေါင်ဆိုင်လို အကြွေး မတောင်းဘူး။ လျှာတစ်ခုလို အရသာမခံတတ်ဘူး။ အာဏာတစ်ချက်လို လူမသတ်ဘူး။ အမှားတွေလောက်တောင် အသုံးမ၀င်ဘူး။ အနမ်းတွေလောက် လူသားမဆန်ဘူး။ သွားတွေလို အလုပ်မကြိုးစားဘူး။ ညဘက်အိပ်တဲ့ရင် (ရေခဲတုံးတွေလောက်) မပျော်ဘူး။ မျက်နှာက ရေးနေကျ အနက်ရောင်စာအုပ်လောက် ကြည့်ချင်စရာ မဖြစ်ဘူး။ (အချိန်ဟာ အခုတလော ဆရာဝန်ယောင်ဆောင်ပြီး အပ်တစ်ချောင်းနဲ့ ဆေးထိုးစမ်းဖို့ (ကျွန်တော့်ကို) လိုက်ရှာနေတယ်) ဒေါက်ဖိနပ်လိုလည်း taxi မစီးဘူး။ စာထဲက သတိရတာ အပြင်မှာလောက် မပီပြင်ဘူး။ မျက်ရည်တွေက၊ ပေးဖူးတဲ့ ကဗျာလေးလောက် own tune မဖြစ်ဘူး။ (ရေရောထားတယ်)။ လာမှန်တဲ့ သဘောထားတွေက ပုရွက်ဆိတ်ကလေးရဲ့ ဖင်လောက်တောင် မကြီးကြဘူး။ အရိပ်တွေလိုပဲ၊ ပစ်သတ်လို့ မရဘူး။ အတန်းထဲမှာလို နာမည် မခေါ်ဘူး။ စကားပြောတဲ့ရုပ်ရှင်တွေလောက် သဘာဝမကျဘူး။ မြင်းခွာသံတွေလောက် မညင်သာဘူး။ ကျောင်းသူလေးတစ်ယောက်လိုပဲ၊ မရင့်ကျက်ဘူး။ (တိုက်ဆိုင်သူများရှိရင်လည်း တစ်ခုခုလွှတ်။) ကျမ်းစာတစ်အုပ်လိုတောင် နားလည်မပေးကြဘူး။ Mouse တစ်လုံးလောက်တောင် ခိုင်းချင်စရာ မကောင်းဘူး။ ပွင့်နေတဲ့ အံဆွဲလောက်တောင် စိတ်မချရဘူး။ (အတင်းပြောသော ပါးစပ်များ ခြစားပါစေ)။ မုန့်ဖိုးနဲ့ စုထားတဲ့ တယ်လီဖုန်းကတ်တွေလောက်၊ ရည်ရွယ်ချက်ပန်းတိုင် မကြီးမားဘူး။ မီးသွေးခဲလောက်တောင်၊ ဥပဓိရုပ် မကောင်းဘူး။ ပါးကွက်သားလောက်တောင် မညာတာဘူး။ ကာရံတွေလို၊ ကျွန်တော်ကို မခင်ကြဘူး။ ဟဲဟဲ… (မချိပြုံး ပြုံးလျက်) “လောကဓံရေ..… နင့်ရဲ့ လက်သီးတွေက ပြည်သူလေးရဲ့ မျက်စောင်းလောက်တောင် ထိုးချက် မပြင်းဘူးကွ.. “ ဟားဟား… ။

အတူသောက်ဖူးတဲ့ မင်းနဲ့ ကော်ဖီ၊
ပါးပြင်အထက်မှာ သင်းခဲ့တဲ့ ဒေါ်သီ၊

ကာရံတွေနဲ့ သီထားတဲ့ စာတွေ
၂ ရက်မအိပ်ဘဲ စီထားတဲ့ ကဗျာလေး
နောက်ပြီး.. နင်နဲ့ တည်ကြမယ့် ကမ္ဘာတွေ
ငါလေ တစ်ယောက်တည်း အားထုတ်..

ကောင်မလေးရေ… နင့်ဆီ ဖုန်းဆက်ချင်တယ်ဟာ.

ရည်ရွယ်သူ မင်းသမီးသို့ ရူးသွပ်ခြင်း

မှတ်ချက်။ ။ ဖြည်းဖြည်းဖတ်ပါ။

နွေလို ပါပဲ၊ မင်းသမီးရယ်… ရာသီတွေ လည်နေပေမယ့် ရင်ထဲမှာ နွေတွေပဲ ထိုင်ရာမထ ဖြစ်နေဆဲ… ဒဏ်ရာရ အချစ်တွေပဲ အဖော်ပြုနေတယ်။ နေကို မျိုချဖို့ အကြံတစ်ခုနဲ့ကောင်းကင်ရဲ့ အံကတ်ကိုများ ဖွက်ခဲ့လေသလား မင်းသမီးရယ်.. ဒါဆို နှလုံးသားထဲက အလွမ်းဆိုတဲ့ ပစ္စည်းအမယ်ကိုလည်း အပေါင်းအပါများနဲ့အတူ မဲဇာကို အမြန်ချောပို့ပေးပါ.. မျက်ရည်အချို့နဲ့ မင်းသမီးအကြောင်း ကဗျာတွေ အဲဒီကို ဆိုက်ရောက်လာပါအုံးမည်။ (သို့မဟုတ်) ကျွန်တော်ရှိနေတဲ့ အိပ်မက်တွေကို တစ်ဆိတ်လောက် တံခါးလာမခေါက်ပါနဲ့လားဗျာ။ ကဗျာတွေယောင် ဆောင်ထားတဲ့ ခံစားချက်တွေက အညှိုးကြီးလို့ပါ၊ မင်းသမီးရယ် ။

မင်းသမီးရေ…

ရွှေလက်ကလေးကိုတွဲ
ရှေ့လျှောက်ရမယ့် လမ်းတွေအတွက်
အမှီခံ ရင်ခွင်တစ်ခုအားလည်း
ဆက်သပါရစေ ကွယ်…

တခြားမဟုတ်ရပါဘူး။ အဲဒီနေ့က ရှက်ဖို့ပြင်ခိုက် မျက်နှာလေးမှာ၊ မက်ဖို့လေးတွေ မြင်ပြီးကတည်းက ဟောဒီ မျက်လုံးတွေရဲ့ အာသီသကြောင့်ပါ။ ဒါကြောင့် အမုန်းအသစ်တွေတီထွင်ပြီး၊ အဆုံး.. အချစ်တွေကိုတော့ မစီရင်လိုက်ပါနဲ့ မင်းသမီးရေ။ ဖုန်တက်နေတဲ့ မျှော်လင့်ချက်တွေနဲ့ ခေါက်ရိုး ကျိုးကျိုး သံယောဇဉ်တွေကို လွယ်အိတ်နဲ့သယ်.. Singapuraရဲ့ နေ့ရက်တွေမှာလည်း ကျွန်တော် ပျော်သလိုပါပဲဗျာ။ ပေးခဲ့တဲ့ စာထဲကလို “အဝေးလူရဲ့ အဆွေးဓါတ်ကို သူတို့တွေလည်း နိစ္စဓူဝ ဖေးကူနေဆဲပါ” မင်းသမီးရေ... (သတိတွေလည်း ချွေချွေတာတာနဲ့ ရနေပါရစေ)။ နောက်ပြီး ရင်ခွင်ထဲမှာလည်း နင် တက်ဖို့ ကျူရှင်တွေ အများကြီးရှိနေတယ်။ တနေ့.. အချစ်အကြောင်း ကဗျာတွေ ပေါင်းရေးဖြစ်တဲ့အခါ၊ အဲဒီနေ့ကျ ကျောင်းလည်း မပြေးဖို့ အကြံပေးပါရစေ.. မင်းသမီးရယ်… စာသင်ကျောင်းထဲ လိပ်ပြာလေးတွေ.. မင်းအလာကို ကျိတ်မျှော်နေကြပြီ။ (၆လမ်းထိပ်က အတိတ်တွေလည်း အခုတလော အဆိပ်တွေ ပြန်တက်နေပါသည်။) မငြင်းနိုင်ဘူး။ တဒိတ်ဒိတ် ရင်ခုံသံတွေက Library လှေကားထစ်တွေနဲ့ ပက်သတ်ခဲ့ဖူးပါတယ်။ မခွံ့ကျွေးဖြစ်ပေမဲ့ စတော်ဘယ်ရီတွေ ချိုနေမှာပါ မင်းသမီးရေ ။ ၇ ရက် ဧပရယ်ကတည်းက ချေးငှားသွားတဲ့ အပြုံးတွေ ပြန်ဆပ်ပေးပါ။ ဘ၀တစ်ခု ကျပျောက်သွားတာ ပြန်မတွေ့သေးလို့။ အဖေပြန်မလာခင်အထိပဲ ဒိုင်ယာရီထဲ ကဗျာတွေ မြေလှန်ရှာလို့ ရပါသည်။ ၂၀၀၈ ကန္တာရကြီးတစ်ခုက ကံဆိုးမလေးတစ်ယောက်ထဲ မိုးတွေကွက်ကျားခဲ့ရင်… ဒီက edukingကို တဲတစ်လုံးမဟုတ်ရင်တောင်၊ ထီးတစ်လက်ဖြစ်ခွင့်အား ပေးသနားတော်မူလိုက်ပါ။ ကျောကုန်းပေါ် အတောင်တွေပေါက်၊ တော်ရာကို ပျံနိုင်ကောင်းပေမယ့်၊ မင်းသမီးနဲ့ ပျော်စရာတွေကို မချန်နိုင်ကြောင်းပါ။ (အဲဒီအတောင်တွေကို ရင်ခုံခြင်းတွေက မွေးစားထားတယ်၊ ရင်ခုံခြင်းတွေထဲမှာ အသွေးအသားတစ်ချို့ ၀င်စားနေတယ်၊ အသွေးအသားတွေထဲမှာတော့ စာလုံးပေါင်းမှားနေတဲ့ ပါးချိုင့်ကလေး နှစ်ဆင်းနဲ့ မျက်မှန်လေးတစ်လက် ရှိကောင်းရှိနေမယ်) တလောက ရစရာဒဏ်ရာအကြွေးစာရင်းတစ်အုပ် မီးလောင်သွားသည်။ တစ်ရက်ပြီးတစ်ရက် ရနေပေမယ့်၊ ဘယ်တော့ ဆပ်ကုန်ကြမယ် မသိ။ သေရင် မပြီးပြတ်အလွမ်း၊ ရှင်ရင် မီးပျက်အနမ်းတွေပါ၊ မင်းသမီးရေ ။

မင်းအကြောင်းကို သတင်းကောင်းတွေမှ မကြားရရင် ဒီညလည်း အိပ်မက်တွေ ၀က်ခြံထူထူနဲ့ပါပဲ။ (ကျေးဇူးပြု၍ မိက်ကပ် မဖို့ပါနဲ့)။ မင်းသမီးရေ.. လူနာဆောင် အမှတ်(--) ခုတင်ပေါ်၊ မျှော်လင့်ချက်ပိန်ပိန်လေးတစ်ခု ဆေးရှိန်နဲ့ မှေးမှိန်နေတယ်.. အင်ဂျင်နီယာတစ်ကောင်တော့ ကြိုးစားပြီး သူ့ကို ဆေးပေးနေလေရဲ့။

ရောင်နီမသန်းခင်
မှောင်ရီလမ်းက ကြိုပါရစေ..
အလွမ်းတွေ ခိုလို့
ရင်ခွင်လည်း ပြိုတော့မယ်…. ။ ။

ဆား တဖြူး၊ နှမ်းတစ်ဆုပ်နဲ့
ဟောဒီ ကဗျာတွေ အကျက်ကို စောင့်ရင်း
မင်းသမီးပျိုရဲ့ ကောင်းသတင်းကို
အလွမ်းတွေထောင်းရင်း မျှော်နေမယ်..

၂၁.၂.၀၈

ကျောင်းစာမေးပွဲတွေ၊ အင်တာနက်သုံးရတာ အဆင်မပြေတာတွေရယ်ကြောင့် လောလောဆယ် ကျွန်တော့် ဘလော့ကို ပိုစ့်တွေခဏရပ်ထားပါအုံးမယ်… နောက်လထဲမှာတော့ မွေးရပ်ဌာနီ မြန်မာပြည် ပြန်ဖို့လည်း မှန်းထားသဗျ..

လာရောက်လည်ပတ်ကျတဲ့ သူငယ်ချင်းများ အားလုံးအဆင်ပြေကျပါစေလို့…

၁၃.၂.၂၀၀၈

ဖေဖော်ဝါရီ ၁၃ ဗိုလ်ချုပ်မွေးနေ့ အတွက် အမှတ်တရ ပိုစ့်လေးပါ။ အစောပိုင်းက တစ်ခုခုရေးဖို့ ရည်ရွယ်ထားပေမယ့် အကြောင်းကြောင်းကြောင့် မရေးဖြစ်ခဲ့ဘူး။

အစဉ်လေးစားဂုဏ်ပြုလျှက်…

မြန်မာပြည်လွတ်လပ်ရေးဖခင်ကြီး ဗိုလ်ချုပ်အောင်ဆန်း

ကျွန်တော်ခံစား နှစ်သက်မိတဲ့ ကျောင်းဖွင့်ချိန် ကဗျာကိုပဲ အမှတ်တရ အဖြစ်..

ကျောင်းဖွင့်ချိန်

(၁)
ငါတို့ကျောင်းတော်ကြီးရဲ့
မော်ကွန်းထိန်းသိမ်းရေးအခန်းမှာ
ဟစ်တလာရုပ်ထုကို
လူတစုထုဆစ်နေကြတယ်။
သူတို့ဟာ ...
ရုပ်တုရဲ့ရှေ့မှာ ကျိန်စာတွေရွတ်ဖတ်
ပျားရည်စက်တွေကို မီးရှို့ပူဇော်
ဆိုင်ရာနိုက်ဖြူလျော်လျော်တွေ သွန်းကြဲပက်ချ
ဟစ်တလာပါးစပ်ထဲက
ကျည်ဆန်တတောင့် ထွက်အံကျလာတယ်။
သူတို့ဟာ ...
ကျောက်သင်ပုန်းပေါ်မှာ အဲဒီကျည်ဆံနဲ့
“ကျောင်းဖွင့်ပြီ” ဆိုတဲ့ စာကိုရေး
သွေးစွန်းလက်တွေနဲ့ ပျူငှာစွာ
ဖိတ်ခေါ်ကြပါပြီ။

(၂)
ငါတို့ကျောင်းတော်ကြီးရဲ့
ဟောင်းနွမ်းနေတဲ့ အခန်းလွတ်တခုဟာ
တဖြည်းဖြည်း နှစ်ငါးဆယ်လောက်ပြန်ငယ်ရွယ်သွားတယ်၊
အရင်က မမြင်ရတဲ့ ဟိုတုန်းက အရိပ်တွေ
နံရံတွေ၊ ခုံတန်းလျားတွေဆီက လွန့်လူးထ
အဲဒါ ... “အောင်ဆန်း” တို့၊ “ကျော်ငြိမ်း” တို့၊ “သိန်းဖေ” တို့၊ “ညိုမြ” တို့ရဲ့
ဝိညာဉ်တွေပဲ ...
ဗမာပြည်လွတ်လပ်ရေးကို သူတို့မြတ်နိုး
ဗမာပြည်လွတ်လပ်ရေးအတွက် သူတို့ရုန်းကန်
အာဏာရှင်ကို ဖီဆန်ခဲ့ကြတယ်။
ခု ... သူတို့ရဲ့ ၀ိညာဉ်တွေဟာ
“ကမ္ဘာမကြေဘူး ... ... ...
ငါတို့သွေးနဲ့ ရေးခဲ့ကြတဲ့ မော်ကွန်းတေး ...”
သီချင်းလေး နားဆင်ရင်း
ရာဇ၀င်ရဲ့ တကျော့ပြန်စိမ်ခေါ်ပွဲကို
မျက်ရည်တ၀ဲဝဲနဲ့ စောင့်ကြည့်နေပါတယ်။

(၃)
ငါတို့ကျောင်းတော်ကြီးရဲ့
ဒီဘက်ခေတ် ၁၉၈၇ - ၈၈ နှစ်များထဲမှာပါ
တက္ကသိုလ်စာကြည့်တိုက်ထဲမှာ
ဖြူဝါးဝါးအရိပ်တချို့
စာထိုင်ဖတ်နေကြတယ်။
တချို့ဖတ်တာ .. ကဗျာစာအုပ်
တချို့ဖတ်တာ .. သမိုင်းစာအုပ်
တချို့ဖတ်တာ .. နိုင်ငံရေးစာအုပ်
ရုတ်တရက်
အဖြူရိပ်တခုဟာ ထိုင်ရာကထ
“ဗမာပြည်ကို ကယ်တင်ရတော့မယ်”
နောက်ထပ် အဖြူရိပ်တခု စာအုပ်ပိတ်
“ဗမာပြည်ကို ကယ်တင်ရတော့မယ်
ဗမာပြည်ကို ထိတ်တုံးချွတ်ပေးရမယ်”
သူတို့ဟာ တိတ်ဆိတ်စွာ
အခန်းပြင်ကို ထွက်သွားကြပါတော့တယ်။
စာကြည့်တိုက်ရဲ့ စာအုပ်ပိတ်သံများ
လွယ်အိပ်လွယ်သံများ
ဖိနပ်စီးသံများ အဆုံးမှာ
နောက်ထပ် အဖြူရိပ်တခု ထပ်ထွက် ...
... ... နောက်ထပ် ... ...
... ... နောက်ထပ် ... ...

(၄)
ငါတို့ကျောင်းတော်ကြီးရဲ့
စာမသင်ဖြစ်တဲ့ စာသင်ခန်းတခုမှာ
အရိုးစုတအုပ် အစည်းအဝေးလုပ်နေတယ်။
အရိုးစုတခုက ... ထိုင်ရာမှ ဖြည်းညှင်းစွာထ
“ကျနော်တို့ တော်လှန်ရေး
အာဏာရှင်တွေ နောက်ဆုံးနေ့အထိ”
စသည်ဖြင့် ပြောကြား
အားလုံးငြိမ်သက်နားထောင်နေကြတယ်။
အခန်းထဲမှာ
အကျဉ်းထောင်က ပြေးထွက်လာတဲ့
ဗိုလ်ချုပ်ရဲ့ မိန့်ခွန်းတွေ
သတ္တိဗုံးကို နှောင်ထုံးခတ်
ပတ်ကြားအက်နေတဲံ ရန်သူ့မျက်နှာတွေ
အဲဒီမှာ ... အရိုးစုတခုက လက်သီးဆုပ်
သူ့နှုတ်က တိုးတိုးလေးပြော
“တောက အဖေနဲ့အမေတော့
ကျနော့်ကို မျှော်နေကြတော့မယ်ဗျာ”
ကြေကွဲစွာ သူ့မျက်လုံးပေါက်တဲက
မျက်ရည်ဖြူတစက်
စီးသက်ကျလာတယ်။

(၅)
ငါတို့ကျောင်းတော်ကြီးရဲ့
ပရ၀ဏ် အ၀င်အထွက်လမ်းတွေမှာ
အချုပ်ကားပြာပြာကြီးတွေ
ဒရကြမ်းနှင်နေကြတယ်။
အဲဒီကားကြီးတွေထဲမှာ
“ကမ္ဘာမကြေ၊ ဗမာပြေ .. ဒါတို့ပြေ
ဒါတို့ပြေ ..တို့ပိုင်တဲ့ မြေ” ဆိုတဲ့
တေးသံသာယာ
ညီညာစွာ ပဲ့တင်ပေါ်ထွက်
ကျောင်းသားလက်တွေ သွေးစိမ့်ယိုစီးခဲ့ပြီ
အချုပ်ကားပြာပြာကြီးရဲ့ ဦးထိပ်မှာ
သူတို့ရဲ့ တံဆိပ် ... တို့ရဲ့အလံ
ဦးခေါင်းခွံမှာ အရိုးနှစ်ချောင်း ကန့်လန့်ဖြတ်ထားတဲ့ သဏ္ဍန်သာ ဖြစ်တယ်။
ကျောင်းခေါင်းလောင်းအိုကြီးဟာ
ထွက်ခွာသွားတဲ့ အချုပ်ကားနောက်
ပြေးလိုက်ခလုပ်တိုက်ပြီး လဲပြိုကျ
ချိုလွင်ရှတတဲ့ ခေါင်းလောင်းသံထွက်ရမယ့်အစား
“သားရေ အမေ လိုက်ရှာနေတယ်လေ .. သားရေ”
ဆိုတဲ့ ငိုရှိုက်ညည်းတွားသံအဖြစ်နဲ့သာ
ရာဇ၀င်တုန်ခါအောင် မြည်ဟည်းလာခဲ့ပြီ။

(၆)
ငါတို့ကျောင်းတော်ကြီးရဲ့
နီမောင်းသောလမ်းကြီး၊ လမ်းငယ်များမှာ
ဒေါင်းအလံတလူလူလွှင့်ထူလို့
ကျောင်းသားတွေ ချီလာပါပြီ
ရင်တအုံလုံးပွင့်ထွက်နေတဲ့ ကျောင်းသားက
ရှေ့ဆုံကအလံကိုင်ပြီး သွေးပွက်ပွက်အန်ထွက်နေတဲ့
ကျောင်းသားတွေက
နောက်က ချီတက်လိုက်ပါလာတယ်။
“ဒီမိုကရေစီရရှိရေး ... တို့အရေး”
“အာဏာရှင်စနစ်ကျဆုံးရေး ... တို့အရေး” တဲ့။
ကိုယ့်ကိုယ်ကိုယ် တခါတည်း အသုဘချရင်း
တိုက်ပွဲဝင်ခဲ့ကြရတဲံ ငါတို့ရဲ့တော်လှန်ရေး
ဘယ်တော့မှ ... အရှုံးမပေးဘူးဟေ့ ...
သေနတ်သံတချက်ဖောက်ရင်
ရာဇပလ္လင်မီးဟုန်းဟုန်းတောက်သွားမယ် ...
နောက်ဆုံးနေ့အထိ ...

(၇)
ငိုက်မြည်းနေတဲ့ အင်းလျားရေပြင်ဟာ
ရုတ်တရက် ရဲရဲနီစွေးသွားတယ်။
ချက်ခြင်းပဲ ရေငွေ့ပျံတက်
ကောင်းကင်ထက်မှာ တိမ်အဖြစ် မိုးစက်ခို
ကျောင်းတော်ကြီးကို မိုးသွေးတွေ ပြန်ရွာချ
လျှပ်တွေပြက်၊ မိုးတွေခြိမ်း ... ... ...
ဒိန်းဒုံး ဆူညံသွားတယ် ...
အဲဒီအခါ ... ကျောင်းတော်မှာ ...
ပန်းတွေ ဖျတ်ကနဲ ပွင့်ကြ
ငှက်ဆိုးတွေ ဝေါကနဲ ထပျံကြ
သစ်ရွက်တွေ တလက်လက်တောက်ပကြ
ခုံတန်းလျားတွေ အုတ်ဂူအဖြစ်ပြောင်းလဲကြ
မြေကြီးတွေ တုန်ခါတော်လဲကြ
တို့အရေး .. တို့အရေး .. တို့အရေး .. တို့အရေး
ကြွေးကြော်သံတွေနဲ့
ဗမာပြည်ကြီး တ၀ုန်းဝုန်းရုန်းကန်
နိုးထပြီး နောက်ဆုံးငြိမ်သက်သွားတဲ့အခါ
ငါတို့ကျောင်းတော်ကြီးဟာ ... ...
တလဲ့လဲ့ တ၀င်းဝင်း
သွေးနီရောင် တောက်ပခါ ...
အာဇာနည် သူရဲကောင်းတို့ရဲ့
ဂူဗိမာန်ကြီးပမာသာ တည်ရှိနေပါတော့တယ် ...။

(၈)
ကျောင်းသားတွေနဲ့ ကျောင်းတော်ကြီးကြား
ခု ... သွေးပင်လယ်ကြီးခြားနေပါပြီ ...
“ကျောင်းဖွင့်ပြီ” ဆိုတဲ့ အာဏာရှင်တွေဟာ
သွေးပင်လယ်ကြီးကို ကျော်နင်း
ထုံးတံတားကြီးကို ကျော်ခင်းပေးတယ်။
တချို့တွေက ကျောင်းတက်လာကြလိမ့်မယ် ...
အဲဒီထဲက တချို့ဟာ ...
“အကြောင်းကြောင်းကြောင့်ပါ” လို့
စိတ်မကောင်းစွာပြောရင်း ...
ထုံးတံတားကို လျှောက်နင်း ...
ကျောင်းခန်းအတွင်း ၀တ္တရားအရထိုင်
ငါတို့ ... နားလည်ခွင့်လွှတ်နိုင်ပါတယ် ...
တချို့ကတော့ ...
“ဂုဏ်တုဂုဏ်ပြိုင်” ကောင်းကြောင်းပြောရင်း
ထုံးနံ့သင်းတဲ့ ပန်းခင်းကိုဖြတ် ...
ရီးစားထားဖို့ ကျောင်းပြန်တက်လိမ့်မယ်။
အဲဒီလို ... လူစားတွေကိုတော့ ...
ငါတို့က ခွင့်လွှတ်သည့်တိုင်အောင်
ရာဇ၀င်က ခွင့်မလွှတ်သရွေ့
သူတို့ဟာ ... သမိုင်းမှာ ...
“သစ္စာဖောက်” များသာဖြစ်တယ်။

(၉)
ကျောင်းသားနဲ့ကျောင်း
တနေ့တော့ ပေါင်းရမှာပဲ
ငါတို့တွေ သွေးပင်လယ်ကို ဖြတ်ကူးပြီး
ကျောင်းကြီးဆီ အရောက်သွားကြမယ်။
သွေးပင်လယ်ကြီးဟာ
တငွေ့ငွေ့ပူခြစ် ဆူပွက်
ထက်ကောင်းကင် မုန်တိုင်းတို့ အစပျိုး
သွေးလှိုင်းတံပိုး တ၀ုန်းဝုန်းပြင်းထန်
ငါတို့တွေ
ငါတို့တွေ လှည့်မပြန်ဘူး၊
ငါတို့ထဲက တချို့ဟာ ...
ကိုယ့်အရိုးကိုယ်ချိုး လှေအဖြစ်ထွင်းထု
ငါတို့အထဲက တချို့ဟာ ...
ကိုယ့်အသားကိုယ်လှီး လှေနံရံအဖြစ် ခင်းရိုက်
ငါတို့အထဲက တချို့ဟာ ...
ကိုယ့်လက်ဖ၀ါး ကိုယ်ရိုက်ဖြတ်
လှေရွက်အဖြစ် စပ်ချုပ်
မုန်တိုင်းကို ခွဲဝင်
သွေးပင်လယ်ကို ဖြတ်ပြီး
ကျောင်းတော်ကြီးဆီသွားဖို့
လုပ်နေတယ်...။

(၁၀)
နောက်ဆုံးမှာ ...
ဒေါင်းအလံကို ... ပြောင်းဆန်အောင် လွှင့်ထူရင်း
အမှန်တရားတခုထံ
ငါတို့ သစ္စာအဓိဌာန်ပြု
အို ... သူရဲကောင်းတို့
အို ... ကျဆုံးခဲ့လေသော
ဒီမိုကရေစီ တိုက်ပွဲဝင်
သူငယ်ချင်းဟောင်း ...
သူရဲကောင်းတို့
ထာဝစဉ်မပျက်ပြယ်နိုင်လောက်အောင်
မြင့်မြတ်စွာ ကျဆုံးခဲ့သော ...
သင်တို့၏၀ိညာဉ်တန်ခိုးတော်များသည်
ငါတို့၏ရှေ့နောက်ဝဲယာ ...
ထက်အောက်ဝန်းကျင်၌
ပျံ့နှံ့တည်ရှိကြကုန်တော့၏။
ထိုသော ...
သင်တို့၏၀ိညာဉ်တန်ခိုးတော်များသည်
ငါတို့၏ခန္ဓာကိုယ်နေရာအနှံ့အပြားသို့
ထိုးဖောက်ယိုစိမ့်စီးဝင်ကာ
ရဲရင့်ခြင်းမှာ ငါတို့အားဖြစ်တည်စေတော့၏။
အို ... သူရဲကောင်းတို့
အို ... ကျဆုံးလေသော
ဒီမိုကရေစီတိုက်ပွဲဝင်
သူငယ်ချင်းဟောင်း သူရဲကောင်းတို့
ဗမာပြည်ကို ရှိခိုးကာ
ဤသွေးပင်လယ်အား
ငါတို့ ဖြတ်ကူအံ့
မိုးလုံးပြည်ကောင်းချီးသြဘာပေးသံများကြားမှာ
ငါတို့၏ အရေးတော်ပုံ အောင်မြင်ပါစေသတည်း။ ။

(ရွှေဘုန်းလူ)

http://nnai.blogspot.com မှ ကူးယူဖော်ပြပါသည်။

Poem part- 10

လိုနေသေးတဲ့ ကဗျာတိုလေးတစ်ပုဒ်။

အတွေး ကဗျာလေး

အချစ်၊ အမုန်း၊ အပြုံးအချိုနဲ့
အပေါ့ အငန် အစပ် အခါး
ကဗျာမျိုးစုံ ထုတ်လုပ်မည်။

ပါဝင်ပစ္စည်းတွေရယ်
ဆားကာရံ အတွဲတချို့နဲ့
သကြားမော်ဒန် အလွဲတချို့
အတွေးယောက်မနဲ့ ပြင်
မနင်ရအောင်
အရိုးတွေလည်း နွှင်ထားမယ်။
(မှတ်ချက်။ ။ကျန်းမာရေးနှင့် ညီညွတ်စေရန်
အချိုမှုန့်မပါဝင်။)

ဘာသာနဲ့ လူမျိုးမခွဲ
ဥတုသုံးပါးလည်း
အမြဲ သုံးဆောင်နိုင်တယ်။

အမုန်းနဲ့ အချစ်ကဗျာတွေမှာ
ကိုယ်ပိုင် အပြစ်နဲ့ အနာတွေလည်း
တွေ့နိုင်တယ်။

မမေ့နိုင်တဲ့
အလွမ်းအဆွေးမှာတော့
သူနဲ့ ကမ္ဘာတစ်ခြမ်းဝေးတဲ့
အကြောင်းတွေပေါ့။

အညောင်းပြေ..
အသဲကွဲတဲ့ အခါလည်း
မြည်းနိုင်တယ်၊ သူငယ်ချင်း။

ဘယ်အစင်းက
မင်း နှလုံးသားကို
ချစ်ခြင်းတွေ
ပစ်သွင်းနိုင်မလဲ ?
......................

ခံစားမှုအစုံကို
စကားလုံးတွေ ခြုံတဲ့အခါ
ဥုံ ဟဲ့...
ကဗျာတွေ ဖြစ်ပါစေသတည်း။ ။

30.1.08

လာမယ့် တနင်္ဂနွေနေ့(၃.၁.၀၈)ကျရင် စင်္ကာပူမှာရှိတဲ့ မြန်မာတွေ ရမ်ဘိုရုပ်ရှင် (Rambo-4)ကို ရုံပြည့်သွားရောက်အားပေးကြမယ်လို့ သိရပါတယ်.. အချိန်ကတော့ ညနေ ၅နာရီ၊ ၅၅မိနစ်.. Bugis junction မှာဖြစ်ပါတယ်… စိတ်ဝင်စားတဲ့သူများ အားခဲ့လို့ရှိရင် ပူးပေါင်းပါဝင်ကြဖို့ ဖိတ်ခေါ်ပါတယ်။ လက်မှတ်တွေကို Penisula plaza မှာ ၀ယ်ယူ ရရှိနိုင်ပါတယ်.. လက်မှတ်ရောင်းတဲ့နေရာရဲ့ ပိုစတာမှာ “ ရမ်ဘို မြန်မာလို ပြောသည့် ဇါတ်ကား” ဆိုတဲ့ စာတန်းကို မြင်တဲ့အခါ.. ကျွန်တော် eduking ရဲ့ လက်ကမြင်းချက်ဖြစ်ကြောင်း..

ဒီနေ့စာမေးပွဲပြီးတာနဲ့ သူငယ်ချင်းတစ်ယောက်နဲ့ လေယာဉ်လက်မှတ်ကိစ္စသွား၊ အပြန် အလုပ်ကိုဝင် လခထုတ်ပြီး အိမ်ပြန်ရောက်တော့ ၁၀နာရီထိုးပြီ။ ဒီတစ်ပတ်အတွက်တော့ စာမေးပွဲတွေပြီးသွားပြန်ပြီ။ နောက်ထပ် ဖေဖော်ဝါရီ ၁၈မှာ ပထမနှစ်အတွက် စာမေးပွဲအစစ်ကြီးလာမယ်။ စာမေးပွဲက ရှိပါတယ်ဆိုမှ၊ အိမ်ကလည်း အသစ်ထပ်ပြောင်းရအုံးမယ်။ ကဗျာတချို့အချောကိုင်ပြီး အခုရက်ပိုင်းအတွင်းတော့ တင်ဖြစ်မယ်ထင်တယ်။ ဘာရယ်မသိ အခုတလော စိတ်တွေတော်တော် လေနေတယ်.. အိမ်ပြောင်းရမှာလည်း တွေးပြီး စိတ်ညစ်။ အိမ်အသစ်ကလည်း ငှားခဈေးက ခေါင်ခိုက်။ အင်း... ဒါနဲ့ နောက်နှစ် ကျောင်းဖွင့်ချိန်ကျ မြန်မာကျောင်းသူချောချောလေးတွေ ထပ်ရောက်လာရင် သိပ်ကောင်းမယ်… (ဘာမှလည်း ဆိုင်ဝူး..) ဟက်ဟက်.. အားလုံး ပျော်ရွှင်ပါစေဗျာ..

Poem part- 9

ကျွန်တော် အစပျိုးခဲ့ပြီးမှ အကြောင်းကြောင်းကြောင့် ဖွင့်မပြောဖြစ်ခဲ့တဲ့ မိန်းကလေးတစ်ယောက်အတွက် ရေးဖြစ်ခဲ့တာပါ… ကိုယ်ရေးကိုယ်တာခံစားချက်တွေနည်းနည်း အသားပေးထားလို့၊ အဆင်မပြေခဲ့ရင် နားလည်ပေးပါလို့..

ဖြတ်ကဗျာ (ဇာတ်သိမ်း)

ပွဲမစခင် ကြားလိုက်ရတဲ့
ပွဲသိမ်းခရာသံကို
နင်လည်း မျှော်လင့်ခဲ့မှာမဟုတ်ဘူး။

ဖွင့်မိခဲ့တဲ့ ရင်ခွင်အခန်းလေးတစ်ခုကို
ပြန်စေ့ဖို့ သိပ်ခက်တဲ့အခါ
အိပ်မက်ခဲ့ကြတဲ့ နိဗ္ဗာန်လေးကို
မေ့ချင်ယောင်ဆောင်ခွင့်ပြုနော်...

ဆုတောင်းတွေ မပြည့်နိုင်လို့
ကောင်းကင်မှာ ပေကပ်ကပ်နဲ့
အဲဒီ ကြယ်တွေကိုလည်း
ငါ မုန်းတယ်ဟာ...

ဖျော်ထည့်ထားတဲ့ အလွမ်းတွေက
ခံနိုင်ရည်အမှတ်တွေကို မျိုချ၊
ဘယ်လိုဘ၀တွေရဲ့
ဝဋ်ကြွေးတွေများလဲကွယ်..

ဖြစ်နိုင်ပါတယ်
ဘ၀စာမေးပွဲကြီးက ငါ့အတွက်
အချစ်ပုစ္ဆာတွေကို ပိုခက်ထားတာ...
ငါမရှာနိုင်ခဲ့တဲ့ အပေါင်းအနှုတ်တွေအတွက်
နင့်ကိုများ မောင်းထုတ်မိသလို ဖြစ်သွားခဲ့ရင်...

အရိုးတွေ မြေခအောင် ပေါင်းကြဖို့ဆိုတာ
အမျိုးတွေရဲ့ အမြင်မတူစွာဘဲ
နင့်အတွက် Singapura ရဲ့ နေ့ရက်တွေက
ငါ့ကို မေ့ရက်ချင်းငှာလည်း
တတ်နိုင်ပါစေ။

လူမျိုးရေးနဲ့ တိုက်ပွဲတစ်ခုမှာ
ငါတို့ရဲ့ နောင်ဖြစ်မယ့်
အချစ်တွေကလည်း
ခေါင်းငုံ့နေရမယ့်
သုံ့ပန်းတွေသက်သက်ပဲ ဖြစ်လာမှာပါ။

မပြောဖြစ်ခဲ့တဲ့ စကားတွေ..
မကြည့်ဖြစ်ခဲ့တဲ့ အကြည့်တွေ..
မယူဖြစ်ခဲ့တဲ့ အနမ်းတွေနဲ့အတူ
ငါ့ဘက်က ဖောက်ရက်တဲ့ သစ္စာတွေအတွက်
နင့်ဘက်က မေတ္တာတွေလည်း ဖြတ်လိုက်ပါတော့..

ဒီကဗျာ..
နင်မခွဲတဲ့ အသည်းကို
ကိုယ်ကိုယ်ကို အကွဲခံ
မျက်ရည်တွေ ငါ့ကို ကြိုးမပေးခင်
အသည်းအသန်နဲ့ ရေးခဲ့တယ်..
ဆိုင်သူရေ

နောက်ထပ်
နင်မိဖုရားဖြစ်မယ့် ရာဇ၀င်မှာ
ငါဘုရင်တစ်ပါးအဖြစ်ပဲ စောင့်နေပါရစေတော့...

Poem part- 8

ကျွန်တော်ပုံမှန်ရေးနေကြ ကဗျာပုံစံလေးတစ်ခုပါ၊ ကောင်မလေးကို မျှော်နေတဲ့ ကြောင်လေး၊ အဲ… ကောင်လေးတစ်ယောက်အကြောင်းပေါ့..

မျှော်လင့်ခြင်းအမှတ် ၁၄.၁.၀၈

သူ မရောက်နိုင်တဲ့ အရပ်မှာ
အလွမ်းရနံ့တွေကို သင်းပျံ့ဟန်နဲ့
ငါပျော်ချင်ယောင်ဆောင်နေတာလည်း
ဖြစ်ကောင်းဖြစ်မယ်

အဖြေမရှိပေမဲ့
အိပ်မက်ဖတ်စာတွေကို
ပြန်ဖတ်နေမိတာလည်း
အဲဒီ နွေစောင့်နတ်တွေ
သိကောင်းသိနေမယ်

စိမ်းကားတဲ့ အထာတချို့ကြောင့်
ဒိုင်ယာရီထဲ အိပ်မောကျနေတဲ့
သိမ်းထားတဲ့ ကဗျာတချို့လည်း
ရှိနေကောင်းရှိနေမယ်

အလွမ်းခန်းကို နိဂုံးတပ်ချင်ပေမယ့်
အနမ်းခန်းတွေအတွက်တော့
ငါ နိဒါန်း မစပ်တတ်သေးတာလည်း
ဖြစ်ကောင်းဖြစ်နေမယ်..

သူမအတွက် ရည်ရွယ်ပြီး
နှလုံးသားကို ညှစ်ရင်းနဲ့ ရေးခဲ့တဲ့
ချစ်ခြင်းဖွဲ့ သံဇဉ်တချို့တော့
ရှိကောင်းရှိမယ်...

ခုတ်မောင်းနေတဲ့ နှလုံးသားကြီးက
ရင်ခွင်တစ်ခုလုံး ဗလောင်ဆူစေပြီ
အဆောင်သူရယ် မေ့နေတာလည်း
ဖြစ်ကောင်းဖြစ်နေမယ်

တွယ်တာစရာတွေရှိနေလို့
ဆယ်ကမ္ဘာစာ ပိတ်မိနေလည်း
အဲဒီမီးလေး စိမ်းတဲ့အထိ
ကိုယ် စောင့်နေပါရစေ...

လမ်းတွေမှာ ကျွန်တော်တစ်ယောက်ထဲ အဖော်ပျောက်ဆဲပါ...

နှံကောင်လေးရဲ့ ဒုတိယမြောက် နွေဦး ပုံပြင်

နောက်ထပ်နွေဦးတစ်ခု သူ့ရှေ့လာရပ်မှာကို ကြောက်နေသည်။ သူ့မှာ နွေရောက်တိုင်း ကွဲတတ်တဲ့ အသည်းတစ်ခု ရှိသည်။ နွေဦးက သူ့ရဲ့ ခံစားချက်တွေကို အားလုံးနဲ့အတူ ခြောက်သွေ့သွားစေသည်။ Enter ခေါက်ပြီး နောက်ရာသီတစ်ခု ကျော်သွားလို့ရရင် သိပ်ကောင်းမှာပဲ.. သူစဉ်းစားနေသည်…
ဟိုးအဝေး… တောအုပ်ညိုညိုဆီက ယိုထွက်လာတဲ့ လေပြေတစ်စင်းက သူ့ရဲ့ရင်ခွင်တစ်ခုထဲကို ရွေးမှန်လိုက်သလို၊ နွေဦးက နာကျင်စရာတွေကို အဲဒီ နှံကောင်လေးတစ်ကောင်ထံ သယ်ဆောင်လာသည်….

တိမ်တွေပေါ်မှာတော့ မဟုတ်တာသေချာသည်… ဒါပေမယ့် သူ နတ်သမီးကို တွေ့ ခဲ့သည်… တမင်တကာတော့ မလုပ်ခဲ့တာသေချာသည်… ဒါပေမယ့် အသစ်စက်စက် ရင်ခုံသံတွေက အဲဒီ့နေ့ကျမှ ရည်ရွယ်ချက်တစ်ခုကို ရှာတွေ့ခဲ့သည်… ကဗျာတွေတစ်ပုဒ်ပြီးတစ်ပုဒ်ကို သူမအတွက် သူစဉ်းစားနေမိသည်… နောက်ကျသွားမှာကိုလည်း စိုးရိမ်နေမိ။ ညစဉ်… တိမ်တွေရဲ့ အထက်မှာ အရှိန်တက်ဆဲ အိပ်မက်တစ်ခုကိုလည်း သူမ အတွက်မက်ဖြစ်ခဲ့သည်…

ရင်ခွင်အခန်းလေး ပွင့်ပါ့မလား..
ခုနှစ်စဉ်အလွမ်းတွေပဲ သင့်မှာလား…

အဲဒီ့နေ့က သူ့ဘ၀ရဲ့ အခမ်းနားဆုံးသော မျှော်လင့်ချက်တွေအတွက် ရည်ရွယ်ပြီး အဲဒီမိန်းကလေးဆီ စကားတစ်ခွန်းကို အရောက်ပို့လိုက်သည်… နံဘေးမှာ မိုးတွေတော့ ရွာမနေခဲ့ပါဘူး… ဒါပေမယ့် သူ့စကားကိုကြားတဲ့အခါ ပြာနေတဲ့ကောင်းကင်ကြီးက ချောင်းပြင်ပြီး ဆိုးလိုက်သတဲ့… သူမကတော့ ဘာမှပြန်မပြောဘဲ လှည့်ထွက်သွားသည်… အိမ်အပြန်လမ်းမှာတော့ မိုးတွေက အစိမ်းလိုက် သူ့ကိုယ်ပေါ်ရွာချပစ်သည်…

ရင်ခွင်အခန်းကို ညစဉ် တံခါးလာခေါက်ပြီးမှ အိပ်မရတဲ့သူကို အပြစ်ပြောရက်တယ်…
မတော်တဆဆိုပေမဲ့ အိပ်မက်တွေဟာ ချော့သိပ်လည်း ပြန်မအိပ်နိုင်တော့ဘူး… ကောင်မလေးရယ်… နေ့တွေ၊ ညတွေမှာ သူ စောင့်နေခဲ့တယ်… တကယ်ပါ.. အနာဂတ်ကိုဝင်ဖို့ သူမနဲ့ မက်မယ့် အိပ်မက်တွေဟာလည်း တုံကင်တွေ ဝေလို့ မလောက်အောင် တန်းစီနေကြပြီလေ…

သူမဘ၀အတွက် အဖြေရှာဖို့ ကျွန်တော်မသိတဲ့ နေရာတစ်ခုဆီ ထွက်သွားခဲ့ပါတယ်… ကျွန်တော်အကြွင်းမရှိ မုန်းတဲ့ နွေဦးတစ်ခုမှာပေါ့.. အဲဒီလေယာဉ်ပျံကြီး ပျံတက်သွားရင်း၊ ဟောင်းလောင်းပေါက်ရင်ခွင်ကြီးတစ်ခုကို မြန်မာပြည်မှာ ချန်လျှက်ထားခဲ့ပြီ… ကျွန်တော့်ရဲ့ အလွမ်းကဗျာတွေဟာ သူမရဲ့ခြေတစ်လှမ်းကိုတောင် မတားလိုက်နိုင်ခဲ့ဘူး…

အို ဘုရားသခင်

ကြားချင်တဲ့ သူ့အသံလေးရယ်

ပါးပြင်နဲ့ သူ့ဟန်လေးရယ်ကို

ညတိုင်း အိပ်မက်တွေထဲဝင်လာဖို့

အကြွင်းမဲ့ ခွင့်ပြုပေးတော်မူပါ…

ကောင်မလေးရယ်… စီးချင်းတွေမှာ ကြောက်စိတ် မြူမှုံမဲ့တဲ့ သူရဲကောင်းဟာ ချစ်သူ့ရင်ခွင် ပျောက်မှာကိုတော့ ကြောက်ခဲ့ဖူးတယ်.. ဒုတိယံမိနွေဦးအတွက် နှံကောင်လေးဟာ အစာကိုတွေ့လျက်နဲ့ စွန့်လွှတ်ခဲ့ရတာပါ...
အကယ်၍ အဲဒီSingapura ညတွေမှာ ကျွန်တော်မပါလည်း ပျော်နေမယ်ဆိုရင် ဖုန်းတွေခေါ်ဖို့တော့ မျှော်မနေတော့ပါဘူး… နင့်လက်ကလေးကိုမြဲမြဲတွဲ၊ နောက်ဘယ်တော့များရယ်မှ အဲဒီနွေဦးတွေကို ကလဲ့စားချေနိုင်ပါ့မလဲကွယ်… သနပ်ခါးတင်တဲ့ ပါးပြင်လေးကို ထိကပ်၊ စိတ်ချင်းတွေလည်းနီးစပ်ပါမှ အဲဒီအလွမ်းတွေကို နှင်ထုတ်နိုင်မှာပါ.. ကောင်မလေးရေ…

ကံတွေ မကုန်သေးရင်တော့
တချိန်ကျ
တို့ ရင်တွေပြန်ခုံကြသေးတာပေါ့…

မှတ်ချက်။ ။ ဘလော့ရဲ့ (ဒါမှမဟုတ်) ကျွန်တော့် ဘ၀ရဲ့ ပထမဆုံးရေးမိတဲ့ ၀ထ္ထုတိုလေးတစ်ခုပါ…

ကျွန်တော်ရဲ့ ၂၀၀၈ရဲ့ ပထမဦးဆုံး အမှတ်တရ ပိုစ့်လေးတစ်ခုပါ..

၂၀၀၈… ကမ္ဘာကြီးအတွက် လိုနေတာတွေ သယ်လာမလား..

၂၀၀၈... ငါတို့အတွက် ငြိမ်းချမ်းရေးဟာ လက်တစ်ကမ်းတော့ မကဘူး..

၂၀၀၈… သေနတ်တွေလွှတ်ချပြီး လက်တွေ ဆွဲ၊ နှုတ်ဆက်ကြမယ်လေ..

၂၀၀၈… အမှန်တရားအတွက်၊ နတ်တွေက သက်သေပြနိုင်မလား..

၂၀၀၈… အာဇာနည်တွေ တစ်ကျော့ပြန်လာလေအုံးမလား…

၂၀၀၈… ကျိန်စာတွေပြယ်ဖို့ အသက်ဘယ်နှစ်ချောင်း ထပ်ပေးရအုံးမလဲ…

ဘုရားရှင်ဟာ ဤဘတ္တကမ္ဘာကို လွန်ခဲ့တဲ့ နှစ်ပေါင်းများစွာကတည်းက ထားခဲ့ပြီးပါပြီ…

တစ်ယောက်နဲ့ တစ်ယောက် သေနတ်နဲ့ ထောက်ထားတာကို ငြိမ်းချမ်းရေးလို့ ခေါ်ကြတယ်…

အတုအယောင် နိဗ္ဗာန်တစ်ခုဆီကို ကျွန်တော်တို့တွေ အားလုံးဦးတည်နေကြတယ်၊ တကယ့် အစစ်အမှန်တစ်ခုကနေတော့ တစ်လှမ်းချင်း ဝေးကွာလာကြပြီ…