ကျက်တဲ့ကဗျာနဲ့ စိမ်းတဲ့ကဗျာ

ဆရာဇေယျာလင်းရဲ့ ကဗျာဘဝ ရှာတော်ပုံ စာအုပ်ထဲက ကျွန်တော် ကြိုက်မိတဲ့ ဆောင်းပါလေးတစ်ပုဒ်ပါ။ အမှန်တော့ ကြိုက်မိတာ အများကြီးပါပဲ။ အခုတလော ကျောင်းစာတွေ များလာလို့ ကဗျာတွေလုပ်ဖို့လည်း သိပ်စိတ်မပါတာနဲ့ ဒီစာလေးကိုတောင် ပြန်စီတာ (၁၀)ရက်လောက် ရေးမှပြီးတော့တယ်။ နောင်လည်း အဲဒီထဲက ဆောင်းပါလေးတွေ အလျင်းသင့်သလို တင်သွားမှာပါ။ Copyright ဘာညာ ကန့်ကွက်မှု ရှိရင်တော့ ကျွန်တော် ပြန်ဖြုတ်ပေးပါ့မယ်။ နားမလည်ဘူးဆိုတဲ့ ကိစ္စတစ်ချို့အတွက် ဒီဆောင်းပါတွေဟာ “ကူးတို့”ကို အရောက် မဟုတ်ရင်တောင် ကမ်းစပ်ကနေတော့ ခွာပေးနိုင်ပါလိမ့်မယ်။
x x x

ကဗျာကို အကြမ်းဖျင်းအားဖြင့် နှစ်မျိုးနှစ်စားခွဲခြားကြည့်တာပါ။ ကျက်တဲ့ကဗျာနဲ့ စိမ်းတဲ့ကဗျာ။ ချက်ပြုတ်စားသောက်ခြင်းနယ်ပယ်ကလာတဲ့ စကားလုံးနှစ်လုံးဖြစ်ပါတယ်။ ချက်လို့ကျက်ပြီ။ ကျက်တော့ စားလို့ရပြီပေါ့။ အဲသလို အလိုက်သင့် ခူးခပ်ယူငင် ကိုက်စားဝါးချေ စားသောက်ပစ်လို့ရတဲ့ ကဗျာနဲ့ သားစိမ်း၊ ငါးစိမ်းကို မချက်ရသေးတဲ့ အစိမ်းသက်သက်မို့ စားသောက်လို့မရသေးတဲ့ ကဗျာ။ ကျက်တဲ့ကဗျာ (စားသုံးရန် အဆင်သင့်) နဲ့ စိမ်းတဲ့ ကဗျာ (စားသုံးလို့ မရသေး၊ ချက်ဖို့ လိုသေး)။ ဒီလို အကြမ်းဖျင်းခွဲကြည့်ကြပါစို့။
ကျက်တဲ့ကဗျာတွေဟာ အလွယ်တကူဖတ်၊ အလွယ်တကူ နားလည်၊ အလွယ်တကူ ရှင်းလင်းပြလို့ရတဲ့ ကဗျာအမျိုးအစားပေါ့။ ဒီနေ့ မဂ္ဂဇင်းတွေမှာ အများဆုံးတွေ့ရတဲ့ ကဗျာတွေပေါ့။

တစ်ပုဒ်ပြီးတစ်ပုဒ်လှန်ဖတ်သွားလို့ရတယ်။ ဖတ်ပြီ အဲဒီမှာ ပြီးတယ်။ သြော်.. ဒီလိုကိုး.. အင်း.. ဟုတ်ပေတာပဲ.. ကဲ.. လာ.. နောက်တစ်ပုဒ်။ ဒီမှာ ကျွန်တော် အဆိုပါ ကဗျာတွေကို ကောင်းခြင်း၊ ညံ့ခြင်း တန်ဖိုးဖြတ်တဲ့သဘောနဲ့ ပြောတာ လုံးလုံးမဟုတ်ပါ။ ကဗျာနှစ်မျိုး နှစ်စားရှိတယ်ဆိုတဲ့ ကွဲပြားတဲ့သဘောကိုပဲ ပြောလိုတာဖြစ်ပြီး အဲသလိုပဲ ပြောတာ၊ ပြောမှာ ဖြစ်ပါတယ်။

ကျက်တဲ့ကဗျာတွေကို ကဗျာဖတ်သူအများစုက ကြိုက်နှစ်သက်ကြတယ်လို့ ကျွန်တော် ယူဆပါတယ်။ ကဗျာဖတ်သူအများစု မဟုတ်ရင်တောင်မှဗျာ၊ မဂ္ဂဇင်းတစ်စောင်စောင်ထဲဖော်ပြခွင့်ပြုတဲ့ ကဗျာရွေးချယ် တာဝန်ခံအယ်ဒီတာရဲ့ အကြိုက်တော့ဖြစ်မှာပါပဲ။ သူကြိုက်လို့ သူရွေးတာကိုး။ သူရွေးမှ အများစာဖတ်ပရိတ်သတ်က ဖတ်ရတာကိုး။ သူ ဘာစံနဲ့ပဲရွေးရွေး၊ သူ ကြိုက်သလို စာဖတ်သူတွေလည်း ကြိုက်ကြမှာပဲဆိုတဲ့ အသိ၊ ဒါမှမဟုတ် ဆန္ဒတစ်ခုခုကတော့ သူ့ရွေးချယ်ရေး အတွေးလမ်းကြောင်းရဲ့ တစ်ထောင့်၊ တစ်နေရာမှာတော့ ပါကောင်းပါရှိနိုင်ပါတယ်။ အဲတော့ ကျက်တဲ့ကဗျာအမျိုးအစားဟာ မဂ္ဂဇင်းစာတွေပေါ်မှာ ပါခွင့်ပိုရသလို အများဖတ်ဖို့လည်း ပိုနီးစပ်လာပြီး ဒီကဗျာ အမျိုးအစား ပါဖန်များလေ၊ ဒီကဗျာအမျိုးအစားဟာ “စံ”တစ်ခုလိုလိုဖြစ်လာလေ၊ အများကလည်း ဒီအမျိုးအစားပိုပဲ ဖတ်ရလေ၊ ကဗျာဆိုတာ ဒီကဗျာအမျိုးအစားပဲလို့လည်း ထင်မြင်လက်ခံယုံကြည်လာလေဖြစ်ပါတယ်။

စိမ်းတဲ့ကဗျာကတော့ ဒီလိုဘဝမျိုးမရောက်ရရှာဘူး။ စိမ်းတဲ့ကဗျာ တော်တော်များများဟာ ကျက်တဲ့ကဗျာလွှမ်းမိုးထားတဲ့ ကဗျာလေးကနဲ့လည်း သူစိမ်းတရံစာ ဖြစ်နေတတ်ကြပါတယ်။ စိမ်းတဲ့ကဗျာအမျိုးအစားဟာ ကျက်တဲ့ကဗျာအမျိုးအစားနဲ့ အဓိက ဘာကွာသလဲဆိုတော့ အလွယ်တကူယူငင်စားသုံးလို့ မရေခြင်းပါပဲ။ ဒီမှာ သတိချပ်ရမှာက စိမ်းတဲ့ကဗျာဟာလည်း ကဗျာအမျိုးအစားတစ်ခုဖြစ်တယ် ဆိုတာပါပဲ။ ကျက်တဲ့ ကဗျာနဲ့ပဲ ရင်းနှီးတဲ့ အမြင်ဘက်ကကြည့်ရင် ကျက်တဲ့ကဗျာမှ ကဗျာ၊ ကျက်တဲ့ကဗျာမဟုတ်ရင် ကဗျာမဟုတ်ဘူးဆိုတဲ့ မျက်စိတစ်ဖက်လပ်၊ ကျန်တဲ့တစ်ဖက် အစွဲတိမ်ဖိုးမပြင်မျိုးဖြစ်သွားဖို့ သိပ်နီးစပ်ပါတယ်။ အထက်ကပြောခဲ့သလို စိမ်းတဲ့ကဗျာဟာ အလွယ်တကူယူငင်စားသုံးမရတဲ့ ကဗျာမျိုးဖြစ်တယ်ဆိုတော့ ဘာကြောင့်များပါလိမ့်လို့ စဉ်းစာ(ချင်သူတွေအတွက်) စဉ်းစားစရာ ဖြစ်လာပါတယ်။ ခုန စကားပဲ ပြန်ကောက်ပါရစေ။ “အလွယ်တကူ ယူငင်စားသုံးလို့ မရခြင်း” ဆိုလိုတာက အလွယ်တကူဖတ်ယူခြင်း၊ အလွယ်တကူ နားမလည်နိုင်ခြင်း၊ အလွယ်တကူ စကားပြေအဓိပ္ပါယ်မမြန်နိုင်ခြင်းတို့ ဖြစ်ပါတယ်။ အလွယ်တကူနားလည်နိုင်တဲ့ကဗျာ ဖတ်ကျင့်များလာတော့ အလွယ်တကူဖတ်မရတဲ့ ကဗျာကို ဖတ်ဖို့ စိတ်ထဲက ငြင်းဆန်တွန့်ဆုတ်လာပါတော့တယ်။ အကျင့်ကိုး။ အကျင့်ဆိုတာ ဖျက်ရခက်တယ်လို့ လူကြီးတွေ ပြောကြတာပါပဲ။ ကဗျာဖတ်ကျင့်။ ကဗျာက သူ့ကိုဘယ်လိုဖတ်ရမယ်လို့ သင်ပေးလိုက်တဲ့အကျင့်။ ဟုတ်ပါတယ်၊ ကဗျာဖတ်ကျင့်ကို ကဗျာကပဲ သင်ပေးတာ ဖြစ်ပါတယ်။ ပန်းချီ “ဖတ်”ကျင့်ကိုလည်း ထိုနည်းလည်းကောင်းပေါ့။ အဲတော့ ရှိရင်းစွဲကဗျာဖတ်ကျင့်နဲ့ ချဉ်းကပ်ကိုင်တွယ်လို့မရတဲံ ကဗျာအမျိုးအစားတွေ့ရင် အပြုသဘောနဲ့ မမြင်ဘဲ အဆိုးမြင်သဘောစွဲကပ်ပါတော့တယ်။ အလွယ်တကူ စားသုံးလို့ မရတဲ့ ကဗျာကို အလွယ်တကူ အလွယ်တကူစာသုံးမရလေခြင်းလို့ အပြစ်တွေ တန်းတင်ပါတော့တယ်။ ဒါပေမယ့် မေ့နေကြတာက နံပါတ်တစ်၊ အခုဖတ်နေတဲ့ ကျက်တဲ့ကဗျာတွေဟာ တစ်ချိန်က စိမ်းတဲ့ကဗျာတွေဖြစ်ခဲ့ကြပါတယ်။ အဲဒီတော့ အခုကျက်တဲ့ကဗျာတွေကို လွှင့်ပစ်လိုက်ကြသလား၊ ဖတ်ကျင့်ကို ပြင်လာကြတာလား။ မေးကြည့်ပါလေ၊ စာဖတ်သူကိုယ်တိုင်က အစ။ ပြောကြည့်ပါလေ။ ကဗျာဖတ်သူ အခြားတစ်ယောက်ယောက်နဲ့ သုံးသပ်ကြည့်ပါလေ၊ ကဗျာဖတ်ကျင့် ဘယ်ကရ။

နံပါတ်နှစ်။ မိမိရဲ့ကဗျာဖတ်ကျင့်ဟာ မွေးလာကတည်းက ပါလာတာမဟုတ်ပါဘူး။ လူဖြစ်ခြင်းကိစ္စတော်တော်များများလိုပဲ အချိန်ယူ၊ သင်ခန်းစာယူ၊ အတွေ့အကြုံယူပြီး ဖတ်ကျင့်ကိုတည်ဆောက်လာရတာ ဖြစ်ပါတယ်။ ဒီတည်ဆောက်မှုဟာလည်း စစချင်း ရှင်းရှင်းလင်းလင်း ယုံယုံကြည်ကြည် တည်ဆောက်လာခဲ့ရတာမဟုတ်ဘဲ အသိတွင်း ဝိရောဓိတွေနဲ့ လုံးထွေးရုံးကန်ပြီးမှ တစ်စတစ်စ ဖြစ်တည်လာတဲ့ တည်ဆောက်မှုမျိုးပါပဲ။ ဘုရားပြီး ငြမ်းဖျက်လိုက်တဲ့အတွက် အဲဒီဘုရားဟာ မိုးပေါ်ကပဲ ကျလာသလို၊ နဂိုကတည်းက “သဘာဝ”အတိုင်း ရှိလာသလို၊ ကိုယ်ကိုယ်တိုင်ဟာ ဥာဏ်ကြီးသခင်မို့လို့ ပါရမီစူးရောက်စွာရရှိလာသလိုလို လိုလို လိုလို။ ဘုရားမပြောပါနဲ့ဦး၊ ငြမ်းကိုပဲ ပြောကြပါစို့။ အဲဒီငြမ်းကို ဘာနဲ့ ဘယ်လိုတည်ဆောက်ခဲ့ကြသလဲ။ ယနေ့အကျက်ကဗျာတွေ မဖတ်ဖူးတဲ့ အထက်တန်းစာမေးပွဲအောင် လူငယ်လေးတစ်ယောက်အတွက် အကျက်ကဗျာဟာလည်း အစိမ်းကဗျာပါပဲ။ အဲဒီအစိမ်းကို သူ အကျက်ဘယ်လို လုပ်ယူသလဲ။ အဲဒီအစိမ်းကဗျာကို သူဘယ်လို ချက်ပြုတ်နားလည်းယူသလဲ။ ကဗျာဖတ်တတ်ခြင်းဟာ ဖတ်ကျင့်တည်ဆောက်မှုရဲ့ ရလဒ်ပါပဲ။

နံပါတ်သုံး။ အကျက်ကဗျာက ချက်ပြုတ်ပြီးသားဖြစ်တဲ့အတွက် ဖတ်သူက ဘာမှပြုပြင်စရာမလိုဘဲ ကောက်ယူစားသုံးလိုက်ရုံပါပဲ။ စိမ်းတဲ့ကဗျာကတော့ ဖတ်သူကို အလုပ်ပေးပါတော့တယ်။ ဖတ်သူကို ချက်ပြုတ်ခိုင်းပါတော့တယ်။ ချက်ပြုတ်တတ်သလို၊ ချက်ပြုတ်တတ်သလောက် ချက်ပြုတ်ခိုင်ပါတော့တယ်။ သူစားချင်ရင် သူကိုယ်တိုင်ချက်။ စားကောင်းခြင်း၊ မကောင်းခြင်း၊ အရသာတွေ့ခြင်း၊ မတွေ့ခြင်းဟာ သူ ချက်ပြုတ်မှုအတိုင်းအတာပဲပေါ့။ စိတ်ဝင်စားရင် အခြားဖတ်သူတို့ ဘယ်လိုချက်ပြုတ်ကြသလဲ မေးမြန်းစုံစမ်း၊ နည်းယူဖလှယ်၊ လိုအပ်တဲ့ အချို၊ အချဉ်၊ အငံ၊ အစပ် ဘယ်ကနေရာမှာ ဘယ်လိုဘယ်လောက်ထည့်မလဲ။ ထည့်သလဲ။

ကဗျာဖတ်ခြင်းဟာ ဖြစ်စဉ်ကြီးတစ်ခု Process ဖြစ်ပါတယ်။ ရရှိတဲ့ရလဒ် Product မဟုတ်ပါဘူး။ ဘာဖြစ်စဉ်ကြီးလဲ ဆိုတော့ မသိမှုကို သိမှုရတဲ့ လူသားရဲ့သိမှု တည်ဆောက်မှု ဖြစ်စဉ်ကြီးပါပဲ။ ဒီဖြစ်စဉ်ကြီးထဲမှာ အစိမ်းတွေကို အကျက်လုပ်ရတာပါပဲ။ ဒါဟာ စဉ်းစားဆင်ခြင်ခြင်းအလုပ်၊ လေ့လာသင်ယူခြင်းအလုပ်၊ ဥာဏ်ပညာနယ်ပယ်ချဲ့ထွင်ရေးအလုပ်။ သိမှုတည်ဆောက်ခြင်းဟာ ဘဝတည်ဆောက်ခြင်းဖြစ်သလို ယဉ်ကျေးမှုတည်ဆောက်ခြင်းလည်း ဖြစ်ပါတယ်။ အစိမ်းတွေကို အကျက်မလုပ်ခဲ့ရင် ယနေ့လူသားကမ္ဘာဟာ ယနေ့အဆင့်အထိရောက်လာနိုင်ပါမလား။ နည်းနည်းပါးပါးဖြစ်ဖြစ် စဉ်းစားနေစရာပေါ့နော်။

သိမှုတည်ဆောက်မှုဟာ ဖြစ်စဉ်ကြီးတစ်ခုဖြစ်တဲ့အတွက် ရပ်တန့်နေလို့မရသလို ရပ်တန့်နေမှာလည်း မဟုတ်ပါူဘူး။ အကြောင်းအမျိုးမျိုးကြောင့် တစ်နေရာမှာ ကျောက်ချထားရရင်လည်း အခြားတစ်ထောင့်ထောင့် တစ်နေရာရာက ရတဲ့နည်းနဲ့ ဆက်တိုးသွားမှာပဲ ဖြစ်ပါတယ်။ မိမိအတွက် သိမှုလုံလောက်ပြီဆိုပြီး တင်းတိမ်ရောင့်ရဲလိုက်ရင် မိမိကိုယ်တိုင်ရဲ့ သိမှုတည်ဆောက်မှုဖြစ်စဉ်ဟာ ရပ်တန့်သွားပြီး မိမိရဲ့ သိမှုဟာ ကျောက်ဖြစ်ရုပ်ကြွင်းဖြစ်သွားသလို မိမိဟာလည်း လျှပ်စစ်မီးလင်းထိန်နေတဲ့ ဂူထဲမှာ ခပ်တည်တည် ဟန်ကျပန်ကျ ရောက်ရှိနေမှာ သေချာပါတယ်။ Hello, Mr-Caveman … မင်္ဂလာပါ။ ဂူအောင်ပုဂ္ဂိုလ်ကြီးငဲ့။
ကဗျာဖတ်ခြင်းဆိုတဲ့ သိမှုတည်ဆောက်မှုဖြစ်စဉ်ကြီးထဲမှာ ဖတ်ကျင့်ဟာ အရေးကြီးပါတယ်။ Reading habit ပေါ့နော်။ သိပ္ပံပညာမှာ ခိုင်မာတယ်ဆိုတဲ့ သီအိုရီဟာ သူ့ကို ချေဖျက်မယ့်တွေ့ရှိချက်အသစ် မပေါ်သေးလို့ပါပဲ။ ပေါ်လာတာနဲ့အမျှ စဉ်းစားဆုံးဖြတ်ရပါတော့တယ်။ လှုပ်လာတဲ့ သီအိုရီကို ရမိရရာနဲ့ အပြေးအလွှား ကျားကန်မလား၊ မူလီစုပ်မလား။ သိမှုနဲ့ သိမှုငြမ်းတွေ ပြင်မလား။ သီအိုရီသစ်၊ သိမှုသစ်ကို တည်ဆောက်မလား။ တိကျမှုပေါ် အခြေခံရတဲ့ သိပ္ပံပညာမှာတောင် Uncertainty Principle ဆိုတဲ့ မသေချာ၊ မရေရာခြင်းမှုဟာ အသေအချာရှိနေမှတော့ အနုပညာမှာလည်း ဒါမှ အနုပညာ၊ ဒါမှ ကဗျာလို့ ကန့်သတ်ထားလို့ မရပါဘူး။ ကျောက်ချထားလို့ မရပါဘူး။ ကျောက်ချထားမှ လုံခြုံမယ်ထင်ရင်လည်း သဘောပေါ့။ တားမြစ်စရာအကြောင်း မရှိပါဘူး။

အဲတော့ စိမ်းတဲ့ကဗျာဟာ ကျက်တဲ့ ကဗျာပဲ ဖတ်နေကျအတိုင်း ဖတ်တတ်တဲ့ ဖတ်သူကို အမြဲစိမ်ခေါ်နေမှာ ဖြစ်ပါတယ်။ သူမေးမယ့် မေးခွန်းကတော့ ရိုးရိုးလေးရယ်ပါ။ “ခင်များ နေသာထိုင်သာရှိတဲ့ ကဗျာစာသား Poem ပေါ်မှာ နေထိုင်မလား။ ခင်များဟာ ကဗျာချစ်သူလား ကဗျာအနုပညာကို ချစ်သူလား။ ခင်များရဲ့ ကဗျာသိမှု တတ်မှုဟာ ရပ်တန့်နေပြီလား” ။ ဖတ်သူရဲ့ သိမှုတည်ဆောက်မှု တစ်ခုလုံးကို စိမ်ခေါ်ခြိမ်းခြောက်သလို လမ်းပွင့်ပေးဖို့ လက်ကမ်းပေးနေတာဟာ စိမ်းတဲ့ ကဗျာပါပဲ။

ကျွန်တော်တို့အားလုံး စိမ်းတဲ့ ကဗျာထဲက ထွက်လာကြပြီး ကျက်တဲ့ကဗျာထဲ ရောက်နေကြပါပြီ။ ဒါပေမယ့် စိမ်းတဲ့ကဗျာသစ်တွေဟာ ကျွန်တော်တို့ရဲ့ လုံခြုံတဲ့ ကျက်တဲ့ကဗျာအိမ်ကလေးမှာ တံခါး လာခေါက်နေပြီပေါ့။ ။

၁၈၊ နိုဝင်ဘာ ၂၀၀၅

ရည်ရွယ်သူ မင်းသမီးသို့ ရူးသွပ်ခြင်း (၂)

နေ့သစ်တွေ (၁)ရက်တိုးတိုင်း
တို့လက်ချောင်းတွေ
တစ်ချက်ချိုးလို့
သံယောဇဉ်တို့ကို ဆက်ပျိုးစို့ချစ်သူ


တစ်နေ့တစ်လံနဲ့ ငါ့အကြံတွေရယ်
မနှေး၊ အမှန်ပဲ
မင်းသဏ္ဌာန်လေးတွေထံ ပြန်နီးကပ်ဖို့
အမြန်နီးမယ့်ရက်တို့ကိုလည်း
ဖန်တီးကြစို့နော် ချစ်သူ..


မျက်နှာတွေ သစ်လိုက်တိုင်း
မနက်တွေ..
ဝတ်လိုက်တဲ့ ဖိနပ်တွေတိုင်းဟာ
တို့အကွာအဝေးကို ချုပ်မယ့်
အပ်တွေလည်း ဖြစ်တယ် ချစ်သူ..


လွမ်းစရာ..
အတူလျှောက်ဖူးတဲ့ လမ်းတွေလည်း မရှိလို့
အတိတ်ရဲ့မနက်ဖြန်တွေလို
စိတ်ရဲ့ စနက်တံတွေတိုင်းမှာလည်း
တာရှည်ခံဆေးတွေ အနှံ့နဲ့ပါ... ချစ်သူ..


message တစ်စောင်ကို
တစ်စောင်ပြန်လို့
Google ငှက်ကလေးရဲ့
အတောင်ပံတွေနားရာ
ချက်တင် ပြတင်းဝလေးဟာလည်း
မင်းရဲ့ သတင်းအစလေးတွေ
မေးရာနေရာလေးပေါ့။


စောစောထတဲ့ ငှက်ကလေးတွေဟာ
အစာရတတ်ကြတဲ့အတိုင်း
မင်းလေးရှိရာ အိပ်မက်တွေထဲ ဝင်ဖို့
ညတိုင်း အိပ်ယာစောစောပြင်လို့နေခဲ့မိတယ်..


အို ဘုရားသခင်
ကြားချင်တဲ့ သူ့အသံလေးရယ်
ပါးပြင်နဲ့ သူ့ဟန်လေးရယ်..
ဒီည အိပ်မက်တွေထဲဝင်လာဖို့
အကြွင်းမဲ့ ခွင့်ပြုလို့
မကြာ၊ မနှေး
နှစ်ယောက်သောကြားမှ
အကွာအဝေးများကို
အကြွေးထားခွင့်အားလည်း
ပေးသနားလင့်တော်မူပါ။

........................................................................

ကျွန်တော် အရင်က ရေးနေကြ ပုံစံနဲ့ ပြန်ရေးကြည့်တာပါ..
ရေးချိန်မှာ အသက် (၂၀)ထဲ.. ဒါပေမယ့် ကဗျာထဲကအတွေးတွေကတော့ ၁၅နှစ်သားတစ်ယောက်ထက် မပိုဘူးထင်ရဲ့။
နောက်ဆုံးအပိုဒ်လေးက ရေးခဲ့ဖူးတဲ့ ပုံပြင်တစ်ပုဒ်ထဲကပဲ ကူးယူထားတာဖြစ်ပြီးတော့
ခေါင်းစဉ်ရဲ့ နံပါတ်တစ်ကလည်း ပုံပြင်တစ်ပုဒ်ပါပဲ။
ချစ်သောသူနဲ့ ကွေကွင်းသောဆင်းရဲမှ လွတ်မြောက်ကြပါစေ..

ကြယ်ကြွေညတိုင်း ဆုတောင်းမယ်

ကိုနေမျိုးစေးရဲ့ သီချင်းဟောင်းလေးတစ်ပုဒ် ပါ.. အယ်နှောင်းက လွှမ်းမိုး အမှတ်တရ (၂)မှာ ပြန်ဆိုထားတယ်.. စာသားလေးတွေက သိပ်ဆွဲဆောင်မှုရှိပြီး၊ နှစ်သက်မိလို့ ဆယ်တန်းပြီးတဲ့ အချိန်တုန်းက အဆောင်ရှေ့မှာ သွားဟဲနေကျ သီချင်းလေးပေါ့..
ဂန္တဝင်ဆန်တယ်လို့ခေါ်မလား.. ညဖက် ဘာမှမလုပ်ဘဲ.. တစ်ယောက်ထဲ အာရုံစိုက် နားထောင်နေရတဲ့ အရသာလေးကလည်း မိုက်တယ်.. စာသားလေးတွေကတော့ သီချင်းနားထောင်ရင်း ပြန်ရေးထားတာဖြစ်လို့.. လိုနေရင် ဖြည့်ပေးပါဗျာ.. (း

ကြယ်ကြွေညတိုင်း ဆုတောင်းမယ်

ညဉ့်သန်းခေါင်ယံ.. လေပြေညင်းကြောင့်..
မျောလွင့်သွားတဲ့ လရောင်တန်းရဲ့ တစ်ဒေသကို
အနန္တတံတိုင်း.. ပရဝဏ်အထိ..
အာရုံဖြန့်လို့ စိတ်တွေ လွင့်လွင့် လိုက်ရှာနေရင်း...
ကြယ်တွေကြားမှာ ယဉ်ယဉ်လေးနဲ့ လှတဲ့ မင်းကို
မျှော်လင့်မထားဘဲ တွေ့လိုက်တယ်..

နူးညံ့တိမ်ယံ.. ထာဝရလင်းတဲ့..
ကြယ်စင်မိုးနဲ့ ညစောင်တန်းရဲ့ ထိပ်ထားထံ..
မျှော်ရီမှန်း.. ရင်ခွင်လမ်းက..
ငုံစင်ပန်းမို့.. မေတ္တာကြိုးယှက်..
ပန်းဖောင်ဖွဲ့ရင်း..
ပန်လိုစိတ်သာ.. ရင်မှာအပြည့်နဲ့ ဆက်သလိုက်တယ်..
ယူခါ နမ်းခိုက်၊ ပန်းပွင့်စေ...

စွဲငြိကာရံ.. သာယာခြင်းရဲ့
ရင်ခုံစည်းချက် ယစ်ထုံလွှမ်းတဲ့ သခင်မထံ
ဝသုန်ရီဆောင်း.. ငူသည်အထိ..
သံစဉ်ဖို့လို့ ညှို့ငင်လွမ်းချင်း..
ဆွေးသီနေရင်း..
တိုင်တည်သစ္စာ.. ရွှေတော်နားရောက် ကြူးရင့်လိုက်တယ်
အာကာတစ်သောင်းအထိ ပျံ့လွင့်မယ်..

ရင့်ကျက်အိနြေ္ဒ၊ ထယ်ဝါခြင်းရဲ့...
ဂုဏ်သတင်းနဲ့ မွှေးထုံသင်းတဲ့ အချစ်ဆုံးထံ..
အိပ်မက်အလွမ်း...ထောင်ချီကို..
အသည်းနဲ့ရင်းလို့..ဦးကိုညွှတ်လျက်..
အလွမ်းလွှင့်တင်ရင်း.....
ဆုံနိုင်ဖို့ကို...
ရင်မှာတမ်းတ၊ မှန်းဆရင်းနဲ့..
ကြယ်ကြွေညတိုင်း..ဆုတောင်းမယ်..

အချစ်၏ အဓိပ္ပါယ်သို့ ထွက်ခွာကြည့်ခြင်း

အချစ်ဆိုတာ ရှင်းပြလို့ မရတဲ့ စိတ္တဇနာမ်တစ်ခုပေါ့။
ရှင်းပြလို့ မရခြင်းဟာ သူ့ရဲ့ဂုဏ်သတ္တိတစ်ခုဖြစ်တယ်။
ပေးဆပ်တာ၊ ရယူတာ၊ ရင်းနှီးမြှုပ်နှံတာ စတဲ့ အရာတွေနဲ့ မပတ်သတ်ပါဘူး။
ရှုံးတာ၊ နိုင်တာ၊ မြတ်တာ၊ တရားတာ၊ မတရားတာတွေ ပြောနေကတည်းက အချစ်ရဲ့ ခေါင်းစဉ်အောက်က သွေဖယ်သွားပြီ။
ကျွန်တော်တို့တွေ အချစ်ကို ချဉ်းကပ်တဲ့နေရာမှာ အများစုဟာ တကယ့်အချစ်အဓိပ္ပါယ် ခံစားချက်ဆီ မရောက်ဘဲနဲ့ တခြားသော (အချစ်လို့ ထင်ရောင်ထင်မှားဖြစ်စေတဲ့) ခံစားမှုတွေဆီကို လမ်းလွဲသွားတာတွေ့ရတယ်။ အဲဒါကြောင့် ချစ်တယ်ဆိုတဲ့ စကားလုံး (အညွှန်းခံ) ဟာလည်း အဓိပ္ပါယ် ပေါ့သွားရတယ်။
ဒါကို သေချာ မဆန်းစစ်ပဲ ချစ်နေကြသူတွေလည်း ရှိတာပဲ။ အပြစ်လို့ မဆိုသာပါဘူး။
စဉ်းစားချင်သူတွေ အတွက် အတွေးလေးတစ်ခုလောက်ပါပဲ။

အချစ်ဆိုတာ သူတည်း တစ်ခုထဲ ဖြစ်တည်၊ တည်ရှိနေတဲ့ ခံစားမှုနာမ်လေးပါ။
အဖြူရောင်ဆိုရင်တောင်မှ အရောင်တစ်ခုအဖြစ်ရှိနေသေးတဲ့အတွက် “စင်ကြယ်ခြင်း”လို့ပဲ သူ့ရဲ့ ဂုဏ်ကို အတတ်နိုင်ဆုံး ကြိုးစားဖော်ထုတ် ကြည့်မိတယ်။
တချို့ကတော့ ကိုယ်ချစ်ကို မရှာနဲ့၊ သူချစ်ကို ရှာတဲ့။
အဲဒါကျတော့ စီးပွားရေး၊ သင်္ချာနည်းနည်း ဆန်နေမလားလို့။
ဘာဖြစ်လို့လဲဆိုတော့ အဲဒီစကားရဲ့ အောက်ခြေအမြစ်မှာ “ချစ်ရင် ရှုံးတယ်” ဆိုတဲ့ အယူအဆကြီး ကပ်တွယ်နေလို့ပဲ။
အားလုံး တကယ် ချစ်နိုင်ကြပါစေ။

အမည်မဖော်လိုသူ Blog စာဆို
(ဒီပလိုမာ အင် advanced အချစ်)

အောင်စာရင်းထဲ ကျွန်တော့် နာမည် မပါတဲ့နေ့က

အကြီး ရေးထားရင်
အရေးကြီးတယ် ထင်ကြမယ်.
အဓိကက
၁.၂.၃ မတိုင်ခင် နေရာယူတတ်ဖို့ပါပဲ။

စာသုံးသူများကို သုံးစား၍
ကောင်းစားသူများ စားကောင်းနေသည်။
“အိမ်ထဲ ဝင်ကြဟဲ့..
ဟိုမှာ ဗိုက်ပူနံကားတွေ လာနေပြီ” တဲ့
မေမေက ပြောတယ်။

အရှေ့ဆိုတာ
ရောက်ကောင်းတဲ့ နေရာမှန်း
ကျွန်တော် မသေချာသေးဘူး။
ဘာမှမရှိဘူးဆိုလည်း
ဘာမှမရှိဘူးတစ်ခုခုကို သွားတွေ့ခဲ့တယ်။

အင်္ကျီအသစ်နဲ့ လူဟောင်းတွေ၊
သေသူအချင်းချင်း မြေဖို့ချင်သူတွေနဲ့
အခန်းအပြင်ဖက်မှာ
ပိုမိုမွန်းကျပ်နေတယ်။

ဖြစ်ပျက်နေတာတွေက
ကျွန်တော်နဲ့ မဆိုင်ချင်တိုင်း
မဆိုင်နေလိုက်ကြပုံများ..

မိန်းကလေး..
ငါ့ကို တစ်ယောက်ထဲ ထားခဲ့တတ်တဲ့အကျင့်ကို
နင် ဖျောက်ပါ။

အခိုးမထွက်တဲ့ သံသရာမီးရဲ့
ဆိုးချက်ကြောင့်ပဲ

ပြက်လုံးတွေ၊ အနိုင်ဂိုးတွေ
လက်ခုပ်သံတွေ၊ မီးကင်ထားတဲ့ အသားတုံးတွေနဲ့
ပွဲတော်ရက်တွေဆီ...
စိတ်မရှိတော့တဲ့ အခါတိုင်း

ခွင့်လွှတ်ပါ.. သူငယ်ချင်းတို့..
ငါဟာ
တောင်ပေါ်က ပန်းကလေးရှိတဲ့ အရပ်မှာသာ
ငါပျော်တတ်လို့။

ချစ်သူ့မျက်နှာ

မှန်ဘောင်လေးတွေကြား
နာမည်နဲ့လိုက်အောင်
မျက်ဝန်းလေးများ ရွှန်းလဲ့နေ..
ဟိုမှာဖက် ပါးချိုင့်လေးဆီမှ
ဒီမှာဖက် ပါးချိုင့်လေးဆီသို့
ကျွန်တော် ကဗျာတွေ ဆက်၍ မမှီတော့ပြီ။

စိတ်အန်ဖတ်

ကျွန်တော် နှစ်သက်မိတဲ့ ဆရာချောရဲ့ ကဗျာလေးပါ။


စိတ်အန်ဖတ်

“ကျား” မီးခြစ်ကို
တအားကြီး ဖိခြစ်ပစ်လိုက်တယ်
လက်ဖက်ရည်ခွက်ထဲက
ကမ္ဘာကြီးကို
ငါ သိပ်စိတ်မတွေ့ဘူး။

သတိထားကြ
ထမင်းပန်းကန်ထဲက အမှန်တရား
ငါ စားပစ်လိုက်ပြီ။

တစ်ခြမ်းက မှည့်ရွှမ်းအရသာရှိပြီး
တစ်ခြမ်းက စိမ်းနေသေးတဲ့ ကမ္ဘာကြီးဟာ
ငါ ပုံကြမ်းလောင်းထားတဲ့ ပန်းပုရုပ်ကလေးပေါ့။

ဝိညာဉ်တွေကို ဖိနပ်လုပ်ပြီး စီးပစ်မယ်
လူတွေမျက်နှာပေါ်က
ကမ္ဘာကြီးကို ငါမယုံဘူး။

အငမ်းမရ သောက်ခြင်းမျိုးနဲ့
လမင်းကို ငါသောက်ပစ်လိုက်ပြီ
တေးဂီတအားလုံးကို ငါသောက်ပစ်လိုက်ပြီ
မုန်တိုင်းတွေကို ငါသောက်ပစ်လိုက်ပြီ
ကမ္ဘာကြီးကိုလည်း ငါသောက်ပစ်လိုက်ပြီ
လေထဲမှာ
ကဗျာဆန်ဆန် ဝဲနေတဲ့
ဗာဒံရွက်တွေကိုလည်း ငါ သောက်ပစ်လိုက်ပြီပေါ့။

ဟောဟိုက
ခုံဖိနပ် တခွပ်ခွပ်နဲ့ လမ်းလျှောက်လာတာ
ငါ့ အာရုံပေါ့ ။

တွေ့လား
အပင်ပေါ်မှာ ညွတ်အောင်သီးနေတဲ့
ဝင်းဖန့်ဖန့် လိမ္မော်သီးတွေကလည်း
ငါ့အာရုံပေါ့ ။


ဟိုကတ္တီပါ မြက်ခင်းလေးရယ်
ဟိုကောင်မလေး ဆိုးထားတဲ့ နှုတ်ခမ်းနီရယ်
ငါ့အာရုံတွေပေါ့ ။

ငါ ငါ့လက်ထဲမှာ
ငါ့ဘဝလေးကို ကျစ်ကျစ်ပါအောင် ဆုပ်ထားပြီး
ငါ
ဦးနှောက်က ထွက်ခဲ့ပြီ
နှလုံးသားအိမ်က ထွက်ခဲ့ပြီ
အာရုံကဖီးက ထွက်ခဲ့ပြီ
အချစ်ရေ..
နှလုံးသားကိုလေ
ထဘီအဆင်လှလှလေး ရက်ပေးမယ်
လောကဓံတရားကိုတော့
ဖန်ခွက်ထဲမှာ အရက်နဲ့ရောပြီး
“ကိုကို” မော့ထည့်လိုက်ပြီကွာ ။ ။

မောင်ချောနွယ်
(“မောင်ချောနွယ်ဆန်သွားသော နေ့များ”မှ)

အချစ်မှတ်စု

မျက်ဝန်းလေးတွေ မီးခတ်တဲ့အခါ
စွဲလမ်းမိတယ်ဆိုရုံလေး
ဒီရင်မှာ လောင်တယ်

ညီမလေးရေ...
တက္ကသိုလ်က သုညနဲ့
သူငယ်တန်းတုန်းက သုညဟာ
ဘာများ ကွာခြားပါသလဲကွယ်

လေယာဉ်ပျံ ဘီးကြီးတွေကို
ကိုယ်ဟာ အတိတ်တုန်းက
ရှင်ကွဲ ခွဲခဲ့ဖူးတယ် ထင်တယ်

အိပ်မက်သေးသေးလေးပေါင်းများစွာထဲ
မင်းကို ဖြည်းဖြည်းလေးပေါင်းများစွာနဲ့ ဖက်ခဲ့

တစ်နေ့
တို့တတွေ ဖိနပ်တွေပါးပါး..
ခံနိုင်ရည်တွေက ထူထူပေါ့..
ဟုတ်ပြီလား..

အနမ်းတွေ မျှခိုက်
အလွမ်းတွေပြတိုက်ထဲ
သော့ခတ်ထားချင်ပေမယ့်

အခုတော့
နေကောင်းရဲ့လား မေးဖို့တောင်မှ
ကြားလူတွေ ဝင်ပါနေရတုန်းပဲနော်..

သံလွင် နှင့် မြို့ထဲက

By the way, ၃လ တစ်ကြိမ် ထုတ်လွှင့်နေကျ သံလွင် အင်တာနက်မဂ္ဂဇင်း ၂၀၀၉ ဧပြီလအတွက် ထွက်ပါပြီ... ဒီတစ်ခေါက်တော့ ကျွန်တော့်ကဗျာ မသုံးဖြစ်ဘူးဗျ.. သေချာတော့ မဖတ်ရသေးပေမဲ့ အခွင့်အလမ်းနဲ့ပတ်သတ်တဲ့ အကြောင်းတွေ အသားပေးဖော်ပြထားတဲ့အတွက် မလွတ်သင့်တဲ့ စာမျက်နှာတွေ ပါရှိအုံးမှာဖြစ်ပါတယ်.. အရွေးမခံ့တဲ့ ကျွန်တော့်ရဲ့ ကဗျာလေးကတော့..


မြို့ထဲက

မူလတန်းကျောင်းသားဘဝ
A.B.C.D.ရယ်လို့ လိုက်ရွတ်မိတာက စလို့
ဂါထာတစ်ပုဒ်လို
ငါ့မြို့ပန်းချီကားလေးထဲက
ငါ့ရုပ်ပုံ ဆေးစက်တွေဟာ ပဲ့ကျကုန်တော့တယ်

မျှော်ကြည့်မိတိုင်း..
သောင်တွေရှေ့ ကန့်လန့်ကာနဲ့ ဧရာဝတီ
ဗိုလ်ချုပ်အောင်ဆန်း ကြေးရုပ်
မောင်ချောနွယ် အမှတ်တရနဲ့
လွတ်လပ်ရေးကျောက်တိုင်တွေက
ကွက်ကွက်ကွင်းကွင်း.....

ကြံရည်တစ်ခွက် (၁၀၀)နဲ့
အပြင်မှာ ပြောသလို
ကမ္ဘာကြီးကို ပြန်ဆယ်မယ့်ကိစ္စ
ဟိုမှာ ဂရုမစိုက်အားလို့
အနမ်းတွေပဲ recycle လုပ်စရာရှိ

ဒီလိုနဲ့ပေါ့.. ဒါနဲ့ပေါ့..
“အပိုင်း (...)မျှော်”
စာတန်းကြီးထွက်လာအုံးမှာ သိရက်နဲ့
တစ်ခန်းရပ် မီးလောင်ပြဇာတ်တွေထဲ
ကိုယ့်ကိုကိုယ် ကံကောင်းချင်ယောင်ဆောင်နေရတာ

လက်မှတ် (၂)စောင်အတွက်
ကိုကြီးဖြိုးကို မုန့်ဖိုးတွေပြည့်တော့မယ်လို့
ပြောချင်နေတာ

တခြားနေရာမဟုတ်
ရင်ခွင်မှ ရင်ခွင်ပါတဲ့
ခံရခက်ခြင်းတွေက
ခေါင်းတစ်ချက်ကုပ်ဖို့ထက်
မောင်းတစ်ချက်ကို တစ်စောင်းနင်း
ပိုဖြုတ်ချင်နေတာ

ကိုယ့်အသက်မှာ
ကိုယ် နေရာမှန်လေးရှင်ဖို့ ကြိုးစားနေတာပဲ
အပြစ်ဖြစ်ရ ။

တစ်ခါတစ်လေလည်း စာသင်ကျောင်း၊
တစ်ခါတစ်လေလည်း မြို့ထဲက “လီ” မိန်းကလေးနဲ့
နေသာ၊ မိုးအုံ့၊
အလိုက်အထိုက် ညှိနှိုင်းနေထိုင်ခွင့်ရယုံလေးဆိုပေမယ့်
နန်းကျသလိုသာ နေဖြစ်ခဲ့တာ။

ငါ့နေရာလေး ငါ ပြန်ဝင်ဖို့တောင်
အခုတော့
ငါ တစ်ယောက်ထဲ စက်တပ်ယာဉ်မဟုတ်ခဲ့တာ ။

ခန့်နေ

အကြောင်း

ဒီကဗျာလေးကို သင်္ကြန်ရက် မြန်မာပြည် ပြန်တုန်းက ရေးဖြစ်တာပါ.. နောက်တော့ “ပြိုင်တူလင်းတဲ့ ကောင်းကင်” ဆိုတဲ့ အခုနှစ် ၂၀၀၉ သင်္ကြန်အတွက် အမှတ်တရ ကဗျာ e-book လေးအတွက် ပေးမိတယ်..


အကြောင်း

နေ့သစ်တိုင်း ရရာလက်နက်ဆွဲကိုင်
ကမ္ဘာကြီး t.v. ခလုတ်ကို "ဖပ်" ခနဲ မြည်အောင်ဖွင့်
စစချင်း အနုပညာမှာပဲ
ငါတို့ ပြဿနာ ရှာခံရ
လောက်တောင် မလောက်ဘူး။
အရှင် လတ်လတ်ကြီး
အကွဲယှက်သလိုလို
အရှက်ကွဲသလိုလို
အကြွေးနဲ့ အပြစ်..
တင်စရာတွေ သိပ်များ
သူ လှံစိုက်ချိန်
ငါလည်း မြေနိမ့်ခဲ့လို့
ချက်ကြိုးတွေ မလွတ်လို့
ရေသောက်ချင်စိတ် တစ်ပတ်လည်
ဘေးက ဆူဆူညံညံ
မမြင်နိုင်ရင် သတိချပ်ချပ်
တောင်ဝန်ရိုးစွန်းက လှမ်းကြည့်မှ
မြင်ရမယ်။
“ပွင့်လင်းရာသီ ရောက်ရှိလာပါသဖြင့်
မိမိ အရေခွံများကို
စနစ်တကျ ခေါက်သိမ်းထားပါရန်
လေးစားစွာ အသိပေး နှိုးဆော်အပ်ပါသည်”
ကြေကွဲမှုဖြစ်စဉ်လို့
ငါ မပြောခဲ့ဘူးလား..
ဘာတွေပြောခဲ့တယ်ဆိုတာ
ပြန်ရွတ်ပြ။
ဘောင်တွေနဲ့ မလွတ်ဘူး
ငါ ချုံ့ထားလိုက်တယ်

မြိုချတိုင်း အနည်ထိုင်ပြီလို့ ယူဆရအောင်
ပြန်အန်မထုတ်တတ်ဘူး..
သူက ထင်နေပုံရတယ်။

*************
ခန့်နေ

ကဗျာစာအုပ်လေး ဒေါင်းချင်ရင်တော့-
http://www.mediafire.com/download.php?o2wnfmifiz4 မှာပါ။

အလွမ်းလက်ကျန် ရှင်းတမ်း (၂) @ မယ်လေးထံ ပေးစာ

ဟဲလို မယ်လေး..
သတိရစွာနဲ့ ငါ စာရေးလိုက်တယ်။ နင်တို့ တစ်အိမ်သားလုံး နေကောင်းပါစေလို့ ဆန္ဒပြုရင်း။ ငါလည်း နေရာသစ်မှာ အခြေကျနေပြီ။ “တော်ရာမှာ ပျော်စရာတွေ လုပ်နေတတ်ရမယ်” ဆိုတဲ့ နင့်ရဲ့ စကားကို အမြဲလိုက်နာလျက်ပါ။

စာမရေးတာ ကြာဆို အရင်ရက်တွေက အအေးမိရင်း ချောင်းပြန်ဆိုးနေလို့။ အဲဒါ စာထဲ စကားလုံးတွေကတစ်ဆင့် နင့်ဆီကူးသွားမှာ စိုးရိမ်မိတယ်။ ငါတို့ မတွေ့ဖြစ်တဲ့ အချိန်တွေထဲ အဲဒီလို နာဖျားတဲ့ရက်တွေကလွဲရင် ငါ့အတွက်တော့ အဆင်ပြေဖူးတယ်ကို မရှိသေးဘူး။ အိမ်၊ ကျောင်းနဲ့ အလုပ် နေရာပဲကွာတယ်၊ မိုးလင်း မိုးချုပ် သင်ယူရေး သံပတ်တွေ မကုန်နိုင်ဘူးလေ။ တစ်ခါတစ်လေလည်း အနှုတ်လက္ခဏာတွေကို နှာခေါင်းပိတ် မျိုချရတာများတဲ့အခါ နာကျင်စရာတွေကိုမှ ကြင်နာမိရက်သား ဖြစ်လာခဲ့သလားလို့တောင် ထင်ရတယ်။ စာတွေအများကြီး နင့်ကို ရေးပြချင်တယ် သိလား။ ပြတ်လပ်နေတာ ကြာပြီဖြစ်တဲ့ ကဗျာတွေလည်း စာနောက်ဆုံးမှာ ငါ ထည့်ပေးလိုက်တယ်။

ငါတော့ ဒီရက်တွေထဲ နင့်အပြုံးတွေ သိပ်ငတ်နေတယ် သိလား။ ဒီမှာ အပြုံးတုတွေ သိပ်များလို့၊ အချိန်ကုန်ခံကြည့်မယ့် အစား ပလတ်စတစ်အိတ်တွေ ရှုံ့သွားတာကမှ ပိုကြည့်လို့ ကောင်းအုံးမယ်။ ပြန်ရောက်တဲ့အခါမှ အဲဒီ ပါးပြင်ပေါ်က အပြုံးစစ်စစ်တွေကို တဝကြီး ကြည့်လိုက်ချင်တယ်။ နောက်ထပ်လွမ်းတာတစ်ခုကတော့ သနပ်ခါး။ ဒါနဲ့ နင်ရော.. အရင်လို (ပဲဟင်းအိုးမှောက်ထားသလိုမျိုး) သနပ်ခါးထူထူကြီးနဲ့ ပွဲဈေးသွားတုန်းပဲလား။ ညဖက်ဆို ရွာလူတွေ မဖဲဝါနဲ့ နင့်ကို မှားမှာ မြင်ယောင်သေးတယ်။ ဟက်ဟက်။ အလှူအတန်းတွေရော ဟိုမှာ အရင်လိုပုံမှန်ရဲ့လား။ ဒီမှာ ငါတို့တွေတော့ နေ့တိုင်း (၇)ရာခိုင်နှုန်း ပုံမှန်လှူဖြစ်တယ်။ အလှူငွေရွက်၊ လက်နဲ့ မကွာပေါ့။ ဟိုမှာလို ဝက်သားတုံး လက်သီးဆုပ်ကြီးကို ထမင်းရည်ချောင်းမစီးနိုင်ပေမယ့်။ နောက်ပြီး သူက မလှူမနေရလေ။

လူကြိုက်များမယ့် ကိစ္စတွေအတွက်တော့ ငါ့ကိုယ်ငါ မဖြုန်းတီးဖြစ်တာ ကြာပြီဟ။ နင်ပြောသလို တစ်ခါတစ်လေ ခပ်ပေါ့ပေါ့လေးပဲ ငါတို့ကိုယ်ကို ပြင်ထားကြတာပေါ့။ အရသာကောင်းတဲ့ ဟင်းဆိုတာ လူတကာရဲ့ ခံတွင်းထဲ အရသာကုန်တဲ့အထိ စုပ်ယူ ဝါးမျိုရင်း၊ အချိန်ကျရင်လည်း မျိုချလိုက်ကြတာပဲ မဟုတ်လား။ လင်္ကာတွေချောဖို့ချည်းထက် ကျန်းမာရေးကို ငါတို့ ပိုဂရုစိုက်သင့်တယ်။

ငါတို့လည်း ကမ္ဘာစဦးခဲ့ကတည်းက အလင်းနဲ့ အမှောင်ကြားမှာ တစ်ယောက်ကိုတစ်ယောက် ကျပျောက်လာခဲ့တဲ့ သူတွေလိုမျိုး၊ “လွမ်းစရာတွေ”ဟာ တို့ရဲ့ ရင်ဘတ်တွေအတွက် တနင့်တပိုးပါပဲ မယ်လေးရယ်။ သူငယ်ချင်းတွေ အလျိုလျိုနဲ့ ပန်းဝင်ကုန်ချိန်မှာ ငါ့အတွက် နှစ်သိမ့်ဆုဆိုတာတောင် ပန်းကုံးလား၊ ပန်းခွေလား မသေချာတော့ဘူး။ ဒါပေမယ့် ရွာဦးကျောင်းက ရင်ခွင်နဲ့ အခုရင်ခွင်ဟာတော့ဖြင့် ညီမျှခြင်းရဲ့ ဟိုဖက်နဲ့ ဒီဖက်မှာ ရပ်မြဲရပ်လျက်ပါပဲ။ လူဆိုတာလည်း မယ်လေးရယ်.. ငါတို့ ကိုယ်ကို အချိန်ရှိခိုက် မစီရင်နိုင်ခဲ့တာဟာ တစ်ခြားတစ်ဖက်မှာ တချို့အရာတွေရဲ့ အစီရင်ခြင်းခံဖို့အတွက်များ ဖြစ်ခဲ့သလား။ ရင်ဘတ်တွေ ကြေမွနေကြောင်း သက်သေးအထောက်အထား ခိုင်လုံတာတောင် ကံကြမ္မာဟာ တို့များဆီက တရားသေ လွတ်မြောက်ခဲ့တာ၊ အချိန်တန်နေတဲ့ နှလုံးသားတွေလည်း အရွယ်ရောက်ခွင့် မရလိုက်ခဲ့ဘူး။ အင်း.. စိတ်ထိခိုက်စရာတွေအကြောင်း ရပ်လိုက်တော့မယ်နော်.. အရေမထူသေးတဲ့ ကျောကုန်းတွေကို လောလောဆယ် ထုံဆေးကူထားကြတာပေါ့။ ခရာသံတွေလည်း မဆွံ့အဘူး။ ငါတို့ နားတွေလည်း မဆွံ့အဘူး။ ဟုတ်ပြီလား..။ လောကဓံ ချိန်ရွယ်ထားတဲ့ ကင်မရာဆီကို ငါက နင်နဲ့ပြိုင်တူ ပြုံးပြချင်နေသေးတာ။ ဒါပေမယ့် ဝမ်း၊ တူး ... သရီးမတိုင်ခင် အိပ်မက်တွေက ပြန်လန့်နိုးနေတာတော့ သိပ်ဆိုးတာပေါ့။

ဒီတစ်ခါ ကျောင်းပိတ်ရက်တော့ ငါ ပြန်လာဖြစ်မယ်ထင်တယ်။ နင်ရော ဘာတွေ မှာချင်သေးလဲ။ ပြန်ရောက်လို့ တွေ့ဖြစ်တဲ့အခါ နင်နဲ့ စကားတွေ အများကြီးပြောရအောင်.. စကားလုံးတွေတောင် စုထားနေပြီ။ အဲဒီကျရင် သင်တန်းတွေ၊ သူငယ်ချင်းတွေ၊ နိုင်ငံခြားတွေ အကြောင်းထက် နင်ကြိုက်တဲ့ ကာတွန်းကားနဲ့ စတော်ဘယ်ရီတွေအကြောင်း ပိုပြောကြရအောင်လေ.. နောက်ပြီး နင့်ဆီက ပါးချိုင့်လေးတွေအကြောင်း ကဗျာရေးခွင့်လည်း တောင်းချင်သေးတယ်။ လောလောဆယ်တော့ ငါနဲ့အတူ ပါလာမယ့် ပစ္စည်းစာရင်းက-

(၁)လျှောက်လည်တဲ့အခါ နွေနေကိုတိုက်မယ့် အပူကျဆေးတစ်ထုပ်ရယ်
(၂) ၁ နဲ့ ၁ ပေါင်းရင် ၁ ရမယ့် ရင်ထဲက အီကွေးရှင်း အသစ်စက်စက်တစ်ကြောင်းရယ်
(၃) အုတ်ဂူလေးပေါ်မှာ ကိုယ်တိုင်လာတင်ပေးမယ့် နင်ကြိုက်တဲ့ စံပယ်ပန်းတွေရယ်။
အခုတော့ ကဗျာလေးကို အရင်ဖတ်ထားနှင့်နော်။ ပါရီရက်လုပ် မဟုတ်ပေမယ့် မိုးလင်းညပေါင်း တစ်ဒါဇင်ကျော်ကြာ ငါကိုယ်တိုင် စိုက်ပျိုးထားတာပေါ့။ ခေါင်းစဉ်ကိုတော့ နင်ပဲ တပ်ပေးနော်။ နင်လည်း အနားယူရတာ အဆင်တပြေ ရှိပါစေ။

****

ထုံသင်းတဲ့ ပါးပြင်လေးဆီ
ခုန်ဆင်းမယ့် ပါးချိုင့်လေးနှစ်စင်း..
(မမွှေးဖူးတဲ့ ပန်းကလေးကို
မပေးဖူးတဲ့ အနမ်းလေးများလည်း
စောင့်နေရှာပြီ ကောင်မလေးရေ)

မင်းအကြောင်း အလှတွေတွေးမိရုံနဲ့
ဝင်သက်နဲ့ ထွက်သက်တို့အချင်းအချင်း
ဓါတ်ပြုကုန်သတဲ့
(တော်ဝင်မျက်နှာထားလေးအား
ဘယ်အပြုံးတွေက ခြယ်မှုန်းပါသလဲ
ကောင်မလေးရေ)

ကတိတွေ၊ စိတ်မချခြင်းတွေနဲ့အတူ
သတိတွေလည်း သိပ်ရနေမှာ
(လာဝဲနေတဲ့ လိပ်ပြာတွေရှိရင်လည်း
မမြင်ယောင်ဆောင်နေပေးပါ ကောင်မလေးရေ)

ရင်ဘတ်ထဲ ခေါက်ထည့်ထားတဲ့
မျှော်လင့်ချက်တွေလည်း ဖုန်တက်နေပြီ..
(အဝေးလူရဲ့ အဆွေးဓါတ်ကို
သူတို့လည်း ဖေးကူနေကြတယ်
ကောင်မလေးရေ)

အလွမ်းလှိုင်းတွေ လာလာတိုက်လို့
ဟောဒီ ရင်ခွင်ကမ်းလည်းပြိုတော့မယ်
(ပုခုံးလေးမဖက်ဖြစ်တဲ့ အခြေအနေမှာ
ဖုန်းလေးဆက်ခွင့်နဲ့ ဖြေနေပါရစေ
ကောင်မလေးရေ)

အဆက်အသွယ်တို့ ပျက်နေသမျှ
စိတ်ကူးတွေနဲ့ပဲ မက်နေပါရစေနော်
(အဲဒီ ပုံရိပ်လေးတွေမှ မပါရင်
အိပ်မက်တွေလည်း မဖြစ်နိုင်တော့လို့ပါ
ကောင်မလေးရေ)

သတိရပေးပါ၊ ကောင်မလေးရေ..
ရည်ရွယ်ထားတဲ့ "ကဗျာနဲ့ ပန်းတွေ
မွှေးပါတယ်" လို့ ပြောတဲ့အခါမှ
ငါနဲ့ အလွမ်းတွေလည်း
ဝေးပါမယ်ကွယ်...

****

ချစ်တယ်... နင်ရဲ့
သိုက်စိုး

ဆယ်လမွန် ငါးတို့ အပြန်...

အားလုံးပဲ.. သင်္ကြန်အပါအဝင် နွေရာသီ ကျောင်းပိတ်ရက်တွေရတုန်း ကျွန်တော် မြန်မာပြည်ပြန်အုံးမှာ ဖြစ်တဲ့အတွက် အားလုံးကို ဒီကပဲ နှုတ်ဆက်ပါရစေ ခင်မျာ.. ဟိုရောက်ရင်တော့ MPT နဲ့ စိတ်ကောင်း ဝင်ချိန်နဲ့ ကျွန်တော် စိတ်ကူးရချိန်လေး တိုက်ဆိုင်ခဲ့လို့ရှိရင် ထပ်တင်ဖြစ်ပါ့မယ်.. တင်နိုင်အောင်လည်း ကြိုးစားကြည့်ပါ့မယ်.. ဘလော့တွေ အရင်လို လိုက်မဖတ်နိုင်မှာနဲ့ ကွန့်မန့်တွေ ပြန်မရေးနိုင်တာကိုတော့ ခွင့်လွှတ်ပါခင်မျာ.. ကျွန်တော်လည်း ကျော်ခွနည်းတွေ သိပ်မသိသေးလို့... အားလုံးလည်း ပျော်ရွှင်သော နွေရာသီ ရက်များ ဖြစ်ပါစေလို့... အခုမှရတဲ့ အခွင့်အရေးလေးတစ်ခုကို အလုအယက်တိုးဝှေ့ လိုက်ပါအုံးမယ်..း)